കോഴിക്കോട് ബസ് മറിഞ്ഞ് 4 മരണം

കോഴിക്കോട്: തൊണ്ടയാട് ബൈപാസിന് സമീപം ബസ് ലോറിയിലിടിച്ച് മറിഞ്ഞ് നാലു പേര്‍ മരിച്ചു. 20 ഓളം പേര്‍ക്ക് പരിക്കേറ്റു. ഇവരില്‍ പലരുടേയും നില ഗുരുതരമാണ്. ഇവരെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

ഒരു സ്‌കൂള്‍ വിദ്യാര്‍ത്ഥിനി ഉള്‍പ്പെടെ രണ്ട് സ്ത്രീകളും രണ്ട് പുരുഷന്മാരുമാണ് മരിച്ചത്.

പൂവാട്ടുപറമ്പ് സ്വദേശി റസിയാബി (35), പ്രസന്റേഷന്‍ ഹൈസ്‌കൂള്‍ വിദ്യാര്‍ഥിനി സോണി (15) എന്നിവരാണ് മരിച്ച രണ്ടുപേര്‍. പുരുഷന്മാരെ തിരിച്ചറിഞ്ഞിട്ടില്ല.

അരീക്കോട്ടുനിന്ന് എടമണ്‍പ്പാറയിലേക്ക് പോവുകയായിരുന്ന സ്വകാര്യബസ് ബുധനാഴ്ച രാവിലെ ഏഴരയോടെ തൊണ്ടയാട് ബൈപാസിന് സമീപം ലോറിയുമായി കൂട്ടിയിടിച്ച ശേഷം മറിയുകയായിരുന്നു.