ഈഫല്‍ ടവറിന് വ്യാജ ബോംബ് ഭീഷണി

പാരിസ്: ലോക പ്രശസ്ത വിനോദ സഞ്ചാര കേന്ദ്രമായ ഈഫല്‍ ടവറിന് വ്യാജ ബോംബ് ഭീഷണി. ഈഫല്‍ ടവറിനടുത്ത് ബോംബ് വച്ചിട്ടുണ്ടെന്ന് പൊലീസ് സ്റ്റേഷനിലേക്ക് അജ്ഞാത ഫോണ്‍ സന്ദേശം വരികയായിരുന്നു.

ഭീഷണിയെ കാര്യമായെടുത്ത പാരീസ് പൊലീസ് ടവറിലുണ്ടായിരുന്ന 2500ഓളം വിനോദ സഞ്ചാരികളെ അടിയന്തരമായി ഒഴിപ്പിച്ചു. ഇവരെ സുരക്ഷിതമായ സ്ഥലത്തേക്ക് മാറ്റിയ ശേഷം ഈഫല്‍ ടവറിലും പരിസരപ്രദേശങ്ങളും അരിച്ചുപെറുക്കി.

വന്‍ പൊലീസ് സംഘത്തെ വിന്യസിച്ച് നടത്തിയ പരിശോധനയിലാണ് ഭീഷണി വ്യാജമാണെന്ന് വ്യ്ക്തമായത്. ഭീഷണിയുടെ ഉത്തരവാദിത്വം ഏറ്റെടുക്കാന്‍ ആരും തയാറായിട്ടില്ല. പൊലീസ് അന്വേഷണം ആരംഭിച്ചു.