കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

നായകരാവാന്‍ സംവിധായകനെ തട്ടിക്കൊണ്ടു പോയി

  • By Ajith Babu
Google Oneindia Malayalam News

കൊച്ചി: നായകനാവാന്‍ വേണ്ടിയാണ് സംവിധായകനെ സിനിമാ സ്‌റ്റൈലില്‍ തട്ടിക്കൊണ്ടു പോയതെന്ന് വെളിപ്പെടുത്തല്‍. സുന്ദരിമാരായ നായികമാരൊത്ത് ആടിപ്പാടാനും എസ്പിയും ഡിവൈഎസ്പിയുമായൊക്കെ സിനിമയില്‍ സൂപ്പര്‍ നായകരായി തിളങ്ങാനുമായി ഗുണ്ടകളാണ് സംവിധായകന്‍ രൂപേഷ് പോളിനെ തട്ടിക്കൊണ്ടു പോയത്. ഒരു വര്‍ഷം മുമ്പാണ് കേസിനാസ്പദമായ സംഭവം നടന്നത്.

കുങ്കുമപ്പൂവുമായി ആലുവയില്‍ പിടിയിലായ ആലുവ സ്വദേശികളായ അമീര്‍, യൂനസ് എന്നിവരെ ചോദ്യം ചെയ്തപ്പോഴാണ് സംവിധായകനെ തട്ടിക്കൊണ്ടു പോയ കേസിന് തുമ്പുണ്ടായത്.

രൂപേഷ് പോള്‍ തമിഴില്‍ സംവിധാനം ചെയ്ത കത്തിരിവേല്‍ എന്ന സിനിമ പൂര്‍ത്തിയാക്കാന്‍ വേണ്ടി ആലുവ സ്വദേശിയായ അംജദിനോട് സാമ്പത്തിക സഹായം തേടിയിരുന്നു. മൂന്ന്് കേസുകളില്‍ കോടതി പിടികിട്ടാപ്പുള്ളിയായി പ്രഖ്യാപിച്ചയാളാണിത്. പണം നല്‍കാന്‍ സമ്മതിച്ച അംജദ് സംവിധായകനോട് ചില ഡിമാന്റുകളും മുന്നോട്ടുവെച്ചു.

പൊലീസ് കമ്മീഷണറുടെ വേഷം തരണമെന്നും തനിയ്‌ക്കൊപ്പം ഭാര്യയായി ഒരു നായികയേയും അനുജത്തിമാരായി രണ്ട് നായികമാരും വേണമെന്നൊക്കെ അംജദ് ആവശ്യപ്പെട്ടു. ഇതിന് പുറമെ തന്റെ സുഹൃത്തുക്കള്‍ക്ക് ഡിവൈഎസ്പിമാരുടെയും സിഐയുടെയും റോള്‍ നല്‍കണമെന്നും ഇയാള്‍ ആവശ്യപ്പെട്ടത്രേ. എന്നാല്‍ രൂപേഷ് പോള്‍ ഇതിന് തയാറായില്ല.

തുടര്‍ന്ന് അംജദ്, അമീര്‍, യൂസഫ്, ചൗധരി, ഹാരിസ് എന്നിവര്‍ ചേര്‍ന്ന് രൂപേഷ് പോളിനെ തട്ടിക്കൊണ്ടു പോകുകയായിരുന്നു. രൂപേഷിനെ ഭീഷണിപ്പെടുത്തി പല രേഖകളിലും ഒപ്പുവിടുവിക്കുകയും സിനിമയുടെ പൂര്‍ണ അവകാശം ഇവര്‍ സ്വന്തമാക്കുകയും ചെയ്തുവെന്നും വ്യക്തമായിട്ടുണ്ട്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X