കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

മദ്യദുരന്തം: സിറ്റിങ് ജഡ്ജിയെ നല്‍കില്ല

  • By Ajith Babu
Google Oneindia Malayalam News

High Court
കൊച്ചി: മലപ്പുറം വിഷക്കള്ള് ദുരന്തത്തെക്കുറിച്ച് ജുഡീഷ്യല്‍ അന്വേഷണം നടത്താന്‍ സിറ്റിങ് ജഡ്ജിയെ നല്‍കില്ലെന്ന് ഹൈക്കോടതി സര്‍ക്കാരിനെ അറിയിച്ചു. ചീഫ് ജസ്റ്റിസ് ചെലമേശ്വറിന്റെ നേതൃത്വത്തിലുള്ള ഹൈക്കോടതിയാണ് ഇത് സംബന്ധിച്ച് തീരുമാനമെടുത്തത്. കേസുകളുടെ ബാഹുല്യവും ജഡ്ജിമാരുടെ ജോലിഭാരവും കണക്കിലെടുത്താണ് ഹൈക്കോടതി ഈ തീരുമാനം കൈക്കൊണ്ടത്.

മലപ്പുറം മദ്യദുരന്തം അന്വേഷിക്കാന്‍ സിറ്റിംഗ് ജഡ്ജി അധ്യക്ഷനായ ജുഡീഷ്യല്‍ കമ്മീഷന്‍ രൂപീകരിക്കാനായിരുന്നു സര്‍ക്കാര്‍ തീരുമാനിച്ചത്. എന്നാല്‍, കോടതിയുടെ തീരുമാനത്തിന്റെ അടിസ്ഥാനത്തില്‍ ജില്ലാ ജഡ്ജിയുടെ സേവനം ലഭ്യമാക്കാന്‍ കഴിയുമോ എന്ന് സര്‍ക്കാര്‍ ആലോചിക്കുന്നുണ്ട്. ഇക്കാര്യം സര്‍ക്കാര്‍ കോടതിയോട് ആവശ്യപ്പെട്ടിട്ടുണ്ട്.

സമാനമായ മറ്റ് കേസുകളിലും സിറ്റിങ് ജഡ്ജിമാരുടെ സേവനം ജുഡീഷ്യല്‍ കമ്മീഷന് നല്‍കാനാവില്ലെന്ന് ഹൈക്കോടതി മുന്‍പ് സര്‍ക്കാരിനെ അറിയിച്ചിരുന്നു. ഇപ്പോഴുള്ള ഹൈക്കോടതി തീരുമാനം സര്‍ക്കാരിന് നേരിട്ട കനത്ത തിരിച്ചടിയായാണ് കരുതപ്പെടുന്നത്.

ഇതിനിടെ വ്യാജമദ്യദുരന്തത്തെക്കുറിച്ച് പ്രാഥമിക അന്വേഷണം നടത്തിയ സംസ്ഥാന എക്‌സൈസ് കമ്മീഷണര്‍ എസ്.സുബ്ബയ്യ റിപ്പോര്‍ട്ട് സമര്‍പ്പിച്ചു. എക്‌സൈസ് ഉദ്യോഗസ്ഥര്‍ക്ക് മദ്യമാഫിയയുമായുള്ള ബന്ധമാണ് മലപ്പുറം മദ്യദുരന്തത്തിന് കാരണമായതെന്ന് റിപ്പോര്‍ട്ടില്‍ പരാമര്‍ശിക്കുന്നു.

മലപ്പുറത്തെ എക്‌സൈസ് ഉദ്യോഗസ്ഥര്‍ ഗുരുതരമായ വീഴ്ച വരുത്തിയെന്നും ഉദ്യോഗസ്ഥരുടെ അഴിമതിയും മദ്യദുരന്തത്തിന് കാരണമായെന്നും റിപ്പോര്‍ട്ടില്‍ വിശദീകരിയ്ക്കുന്നു

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X