അട്ടപ്പാടി ഭൂമി തട്ടിപ്പ് ഇടനിലക്കാരന്‍ അറസ്റ്റില്

പാലക്കാട്: അട്ടപ്പാടി ഭൂമി തട്ടിപ്പുമായി ബന്ധപ്പെട്ട് ഇടനിലക്കാരന്‍ അറസ്റ്റില്‍. അഗളി സ്വദേശി ശങ്കരനാരായണനാണ് അറസ്റ്റിലായത്. കലക്ടറുടെ ഉത്തരവ് പ്രകാരം അഗളി പൊലീസാണ് ഇയാളെ അറസ്റ്റുചെയ്തത്.

കുറ്റക്കാരായ അഞ്ചുപേരെ അറസ്റ്റുചെയ്യാനും ഉത്തരവുണ്ട് ഇവര്‍ക്ക് വേണ്ടിയുള്ള അന്വേഷണം തുടരുകയാണ്.

അതേസമയം അട്ടപ്പാടിയിലെ അന്യാധീനപ്പെട്ട ഭൂമിയില്‍ ആദിവാസികള്‍ കുടില്‍ കെട്ടാന്‍ തുടങ്ങി. ഭൂമി തട്ടിപ്പ് വിഷയത്തില്‍ സര്‍ക്കാര്‍ നടപടി വൈകുന്നതില്‍ പ്രതിഷേധിച്ചാണ് സമരം. അട്ടപ്പാടി സംരക്ഷണ സമിതിയുടെ നേതൃത്വത്തില്‍ ജൂണ്‍ 30ന് നടത്തിയ സമരത്തെ തുടര്‍ന്നാണ്, ഭൂമി തട്ടിപ്പിനെക്കുറിച്ച് അന്വേഷിക്കാന്‍ സര്‍ക്കാര്‍ നിര്‍ദേശം നല്‍കിയത്.