ബിഎസ്എന്എല് 3ജി നിരക്ക് കുറച്ചു
ദില്ലി: ബിഎസ്എന്എല് 3ജി ഡാറ്റ നിരക്ക് കുറച്ചു. പ്രീ പെയ്ഡ വരിക്കാര്ക്കും പോസ്റ്റ് പെയ്ഡ് വരിക്കാര്ക്കും ഈ ഗുണം ലഭിയ്ക്കും.
പോസ്റ്റ് പെയ്ഡ് വരിക്കാരുടെ ഫിക്സഡ് നിരക്ക് 2499 രൂപയില് നിന്ന് 1359 രൂപയായി കുറച്ചിട്ടുണ്ട്. റീചാര്ജ് വൗച്ചറുകളുടെ വില 2756 രൂപയില് നിന്ന് 1359 രൂപയായാണ് താഴ്ത്തിയത്.
ഹൃസ്വകാല ഡാറ്റ റീചാര്ജ്ജ് സംവിധാനം തുടങ്ങിയതായും ബിഎസ്എന്എല് അറിയിച്ചു. പത്ത് രൂപ, 25 രൂപ, 50 രൂപ നിരക്കുകള്ക്ക് യഥാക്രമം 20 എംബി, 25 എംബി, 100 എംബി എന്നീ ക്രമത്തില് ഡൗണ്ലോഡ് സൗകര്യം ലഭ്യമാവും. ഇത് ഏഴ് ദിവസത്തേയ്ക്കാണ്. പുതിയ നിരക്കുകള് സെപ്തംബര് 22 മുതല് നിലവില് വരും.
സ്വകാര്യ മൊബൈല് സേവന ദാതാക്കള് ഈ വര്ഷം അവസാനത്തോടെ 3ജി സേവനം ലഭ്യമാക്കും. അതിന്റെ മുന്നോടിയായാണ് ബി എസ് എന്എല്ലിന്റെ ഈ നിരക്ക് കുറയ്ക്കല്. സ്വകാര്യ കമ്പനികള് 3ജി സൗകര്യം തുടങ്ങി കഴിയുമ്പോള് ഇനിയും ഒരു നിരക്ക് കുറയ്ക്കല് ബിഎസ്എന്എല്ലില് നിന്ന് പ്രതീക്ഷിയ്ക്കാവുന്നതാണ്.