എടിഎം നടത്തിപ്പിന് പുറംകരാറിനായി എസ് ബി ഐ
മുംബൈ: രാജ്യത്തെ ഒന്നാമത്തേയും രണ്ടാമത്തേയും വലിയ ബാങ്കുകളായ സ്റ്റേറ്റ് ബാങ്ക് ഓഫ് ഇന്ത്യയും ഐസിഐസിഐ ബാങ്കും എടിഎം നടത്തിപ്പിന് പുറംകരാര് നല്കാന് ആലോചിയ്ക്കുന്നു. ഇതിനായുള്ള ആദ്യ നടപടികള് തുടങ്ങി കഴിഞ്ഞു.
രാജ്യത്തെ മിയ്ക്ക ചെറിയ ബാങ്കുകളും എടിഎം നടത്തിപ്പി മറ്റ് കമ്പനികള്ക്ക് കരാര് നല്കുകയാണ് ചെയ്യുന്നത്.
എസ്ബിഐയ്ക്ക് ഇപ്പോള് 20,000 എടിഎമ്മുകള് ഉണ്ട്. വൈകാതെ 5000 എണ്ണം കൂടി തുറക്കും. ഈ എടിഎമ്മുകളാണ് കരാര്കാരന് നടത്തേണ്ടത്. ഇതിന് താല്പര്യമുള്ള കമ്പനികളെ കണ്ടെത്തുകയാണ് ബാങ്ക് ഇപ്പോള്. സി എഡ്ജ്, എഫ്എസ്എസ് എന്നിവയാണ് പ്രധാനമായും ഇതില് താല്പര്യം പ്രകടിപ്പിച്ചിട്ടുള്ള കമ്പനികള്. മൂന്ന് വര്ഷത്തേയ്ക്കാണ് ഈ കരാര്. ഇത് 4500 കോടി രൂപയുടെ എങ്കിലും ബിസിനസാണെന്നാണ് കണക്കാക്കുന്നത്.
പുറം കരാര് നല്കുന്നത് ബാങ്കിന് ലാഭകരമാണ്. അതാണ് ഈ വഴി സ്വീകരിയ്ക്കാന് ബാങ്കുകള് നടപടി എടുക്കുന്നത്.
ഐസിഐസിഐ ബാങ്കു് ഈ ജോലി നല്കാനായി സി എഡ്ജ്, എഫ്എസ്എസ് എന്നീ സ്ഥാപനങ്ങളെ കണ്ടെത്തിയിട്ടുണ്ടെന്നാണ് അറിയുന്നത്. ഐസിഐസി ഐയ്ക്ക് 5600 എടിഎമ്മുകളാണ് ഉള്ളത്. ഈ എടിഎമ്മുകളുടെ പുറം കരാര് ജോലി 1000 കോടിയുടെ ബിസിനസായാണ് കണക്കാക്കുന്നത്.