അമ്മ മകനെ അലക്കുയന്ത്രത്തില് മുക്കിക്കൊന്നു
ചേര്ത്തല: എട്ടുമാസം പ്രായമുള്ള ആണ്കുഞ്ഞിനെ അമ്മ അലക്കുയന്ത്രത്തില് മുക്കിക്കൊന്നു. ചേര്ത്തല ആയിരംതൈ പള്ളിയ്ക്കുസമീപം ജോണ് മാര്ക്കോസിന്റെ ഭാര്യ സുമ(40)യാണ് വീട്ടിലെ വാഷിങ്മെഷീനില് മകനെ മുക്കിക്കൊന്നശേഷം ആലപ്പുഴ പോലീസ്സ്റ്റേഷനിലെത്തി വിവരം പറഞ്ഞത്.
സുമ മാനസികരോഗത്തിന് ചികിത്സയിലായിരുന്നെന്ന് പോലീസ് പറഞ്ഞു. എട്ടുമാസം പ്രായമുള്ള മകന് ഷാരോണിനെ കൊന്നശേഷം വീടുപൂട്ടി താക്കോലുമായി നേരെ ആലപ്പുഴയിലെത്തിയ സുമ, പോലീസ് വനിതാസെല്ലില് എത്തി വിവരം അറിയിക്കുകയാണുണ്ടായത്.
മകനെ അലക്കുയന്ത്രത്തിലിട്ട് കൊന്നെന്നും അര്ത്തുങ്കല് പോലീസ്സ്റ്റേഷന് പരിധിയില് ആയിരംതൈ പള്ളിക്കു സമീപമാണ് വീടെന്നും, സുമ വനിതാ സെല് സി.ഐ. കെ. ധര്മജയെ അറിയിച്ചു. വീടിന്റെ താക്കോലും ഏല്പിച്ചു.
ധര്മജ, വിവരം അര്ത്തുങ്കല് പോലീസില് അറിയിച്ചു. തുടര്ന്ന് പോലീസ് സുമയുടെ വീട്ടിലെത്തി, വീടിന്റെ പൂട്ടുപൊളിച്ച് അകത്തു കയറി പരിശോധിച്ചപ്പോള് അലക്കുയന്ത്രത്തില് കുഞ്ഞിന്റെ മൃതദേഹം കണ്ടെത്തി. പോലീസ് പറഞ്ഞപ്പോഴാണ് തൊട്ടടുത്ത കുടുംബവീട്ടിലുള്ളവര്പോലും വിവരം അറിയുന്നത്.
വീട്ടില് മറ്റാരുമില്ലായിരുന്നസമയത്താണ് സുമ കൊല നടത്തിയത്. എറണാകുളത്തെ സ്വകാര്യഹോട്ടലിലെ ജീവനക്കാരനായ ജോണ് ്ജോലിസ്ഥലത്തും മൂത്തമകള് മിലന് മരിയ സ്കൂളിലുമായിരുന്നു.
മാനസികാസ്വാസ്ഥ്യത്തിന് ചികിത്സയിലായിരുന്ന സുമ. ആലപ്പുഴ വനിതാസെല് സി.ഐ. കെ.ധര്മജയുടെ നേതൃത്വത്തില് സുമയെ രാത്രിയോടെ അര്ത്തുങ്കല് സ്റ്റേഷനിലെത്തിച്ചു. ഷാരോണിന്റെ മൃതദേഹം ഇന്ക്വസ്റ്റിനുശേഷം ചേര്ത്തല താലൂക്കാശുപത്രി മോര്ച്ചറിയിലേക്ക് മാറ്റി.
Click it and Unblock the Notifications
Sign in with Google