സര്‍ക്കോസി ഉയരം കൂട്ടാന്‍ ശസ്ത്രക്രിയ ചെയ്യുന്നു

പാരീസ്: ഫ്രാന്‍സ് പ്രസിഡന്റ് നിക്കൊളാസ് സര്‍ക്കോസി എന്നും വാര്‍ത്തകളില്‍ സജീവമായി നിലനില്‍ക്കുന്ന വ്യക്തിയാണ്. സര്‍ക്കോസിയുടെ വ്യക്തിബന്ധങ്ങളാണ് ഏറെയും വാര്‍ത്തകള്‍ സൃഷ്ടിച്ചിട്ടുള്ളത്, ഇപ്പോഴിതാ സര്‍ക്കോസി തീര്‍ത്തും വ്യത്യസ്തമായ ഒരു കാര്യത്തിലൂടെ വീണ്ടും വാര്‍ത്തയില്‍ ഇടം നേടുന്നു.

സര്‍ക്കോസി ഉയരം വര്‍ധിപ്പിക്കാനായി ശസ്ത്രക്രിയ ചെയ്യാനൊരുങ്ങുന്നു. അദ്ദേഹത്തിന്റെ ഉയരമില്ലായ്മ വിഷയമായി ഒരു പാട് തമാശകള്‍ പ്രചരിക്കുന്നുണ്ട്. എന്തായാലും ഇനി ഇതിനെല്ലാം വിരാമമാകുമെന്നാണ് സൂചന.

അഞ്ചടി അഞ്ചിഞ്ച് മാത്രമുള്ള സര്‍ക്കോസി അഞ്ചിഞ്ച് കൂടി ഉയരം വര്‍ദ്ധിപ്പിക്കാനുള്ള ശസ്ത്രക്രിയയ്ക്കാണ് വിധേയനാകാന്‍ പോകുന്നുന്നത്. അദ്ദേഹത്തിന്റെ ഭാര്യ കാര്‍ല ബ്രൂണിയ്ക്ക് അദ്ദേഹത്തേക്കാള്‍ നാലിഞ്ച് ഉയരക്കൂടുതലുണ്ട്.

ഇവരിരുവരും ഒരുമിച്ച് പ്രത്യക്ഷപ്പെടുന്പോള്‍ ഉയരവ്യത്യാസം നന്നേ പ്രകടമാകാറുണ്ട്. ഇത് പരിഹരിക്കാന്‍ സര്‍ക്കോസി ഹീല്‍സുള്ള ഷൂസ് ഇടുന്നുവെന്നും കാര്‍ല പരന്ന ചെരുപ്പുകളാണ് ധരിക്കുന്നതെന്നുമെല്ലാം താമശകള്‍ ഉണ്ട്.