അലിക്ക് ലീഗിന്റെ പച്ചക്കൊടി

മലപ്പുറം: മങ്കട എംഎല്‍എ മഞ്ഞളാംകുഴി അലിയെ മുസ്ലീം ലീഗിലേക്ക് സ്വാഗതം ചെയ്യുന്നതായി പികെ കുഞ്ഞാലിക്കുട്ടി.

സിപിഎമ്മുമായി ഇടഞ്ഞുനില്‍ക്കുന്ന അലിയെ പാര്‍ട്ടി കഴിഞ്ഞ ദിവസം രൂക്ഷമായി വിമര്‍ശിച്ചിരുന്നു. കുഞ്ഞാലിക്കുട്ടി എറിഞ്ഞുതരുന്ന എച്ചിലിനു വേണ്ടിയാണ് അലി പോകുന്നതെങ്കില്‍ അത് പോലും ഈ തിരഞ്ഞെടുപ്പില്‍ കിട്ടില്ലെന്ന് സി.പി.എം കേന്ദ്ര സെക്രട്ടേറിയറ്റംഗം എ. വിജയരാഘവന്‍തിങ്കളാഴ്ച മലപ്പുറത്ത് പറഞ്ഞിരുന്നു.

ഇതിനുള്ള പ്രതികരണമെന്ന നിലയിലാണ് മുസ്ലീം ലീഗ് സംസ്ഥാന ജനറല്‍ സെക്രട്ടറി പികെ കുഞ്ഞാലിക്കുട്ടി അലിയ്ക്ക് പാര്‍ട്ടിയിലേക്ക് സ്വാഗതം ചെയ്തിരിക്കുന്നത്.