അയോധ്യ വിധിയ്ക്ക് മുമ്പേ ഓഹരി വിപണിയില്‍ ഉയര്‍ച്ച

മുംബൈ: ബുധനാഴ്ച താഴേയ്ക്ക് ചാഞ്ഞ ഇന്ത്യന്‍ ഓഹരി വിപണി വ്യാഴാഴ്ച മികച്ച പ്രകടനം കാഴ്ച വച്ചു. രാവിലെ ചാഞ്ഞും ചരിഞ്ഞുമായിരുന്നു വിപണി. പക്ഷേ ഉച്ചയ്ക്ക് ശേഷം കാര്യങ്ങള്‍ മാറി.

സെന്‍സെക്സ് 20,069.12 (+112.78)
നിഫ്ടി 6029.95 (+38.65 )

നിഫ്ടി 6000 ന് മുകളിലും സെന്‍സെക്സ് 20,000 ന് മുകളിലും വീണ്ടും എത്തിയെന്നതാണ് വിപണിയില്‍ ആവേശം ഉണ്ടാക്കിയത്. അയോധ്യ തര്‍ക്ക ഭൂമിയുടെ വിധി മൂന്നരയ്ക്ക് ശേഷമായത് ഓഹരി വിപണിയെ തുണച്ചു. അല്ലെങ്കില്‍ വിധിയുടെ സ്വഭാവം അനുസരിച്ച് വിപണിയിലും ഏറ്റക്കുറച്ചിലുണ്ടായേനെ.