ഖുറേഷി ചായയ്ക്ക് ക്ഷണിച്ചിട്ടില്ല: എസ്എം കൃഷ്ണ
യുഎന് പൊതുസഭയുടെ വാര്ഷിക യോഗത്തിനിടെ ഇന്ത്യന് വിദേശകാര്യമന്ത്രി എസ്എം കൃഷ്ണയെ ചായയ്ക്ക് ക്ഷണിച്ചിട്ടുണ്ടെന്ന്് ഖുറേഷി മാധ്യമങ്ങളോട് പറഞ്ഞിരുന്നു. എന്നാല് ഇത്തരത്തിലൊരു സംഭവം ഉണ്ടായിട്ടില്ലെന്നാണ് കൃഷ്ണ പറയുന്നത്.
എനിക്ക് ഖുറേഷിയില് നിന്ന് അത്തരമൊരു ക്ഷണം ലഭിച്ചിട്ടില്ല. ഖുറേഷി എങ്ങനെയാണ് ക്ഷണം അറിയിച്ചതെന്ന് വ്യക്തമല്ല. എന്നാല്, എനിക്ക് ക്ഷണം ലഭിച്ചിട്ടില്ല എന്നതാണ് സത്യം. ക്ഷണം ലഭിച്ചാല് സ്വീകരിക്കുന്നതില് സന്തോഷമേ ഉള്ളൂ- കൃഷ്ണ പറഞ്ഞു.
യുഎസില്, കൃഷ്ണ -ഖുറേഷി കൂടിക്കാഴ്ച നടക്കാത്തതിനെ കുറിച്ച് മാധ്യമങ്ങളുടെ ചോദ്യത്തോട് പ്രതികരിക്കുമ്പോഴാണ് കൃഷ്ണയെ ചായയ്ക്ക് ക്ഷണിച്ചിട്ടുണ്ട് എന്ന് ഖുറേഷി പറഞ്ഞത്.
കൃഷ്ണയ്ക്ക് ബുദ്ധിമുട്ട് ഉണ്ടെങ്കില് അദ്ദേഹത്തിന്റെ അടുത്തേക്ക് പോകുന്നതിന് താന് തയ്യാറാണെന്ന് അറിയിച്ചിട്ടുണ്ടെന്നും ഖുറേഷി പറഞ്ഞിരുന്നു.
യുഎന് പൊതു സഭയുടെ വാര്ഷിക യോഗത്തില് പങ്കെടുക്കാന് ന്യൂയോര്ക്കില് എത്തിയ കൃഷ്ണയും ഖുറേഷിയും അടുത്തടുത്ത ഹോട്ടലുകളിലാണ് താമസിക്കുന്നത്.