19കാരിയെ ഗോവയില് കൊണ്ടുപോയി പീഡിപ്പിച്ചു
മാര്ഗോ: ജോലി വാഗ്ദാനം ചെയ്ത് പത്തൊന്പത് കാരിയെ പീഡിപ്പിച്ച നാല്പതുകാരന് അറസ്റ്റിലായി. ദില്ലി സ്വദേശിയായ രഞ്ജിത് സര്ക്കാറിനെയാണ് മാര്ഗോ പൊലീസ് അറസ്റ്റുചെയ്തത്.
കൊല്ക്കത്ത സ്വദേശിനിയാണ് പീഡനത്തിന് ഇരയാക്കപ്പെട്ടത്. കൊല്ക്കത്തയില് നിന്നും ദില്ലിയിലേയ്ക്ക തീവണ്ടിയില് യാത്രചെയ്യുന്നതിനിടെയാണത്രേ രഞ്ജിത് യുവതിയെ പരിചയപ്പെടുന്നത്.
ദില്ലിയില് വീട്ടുവേലയ്ക്ക് നില്ക്കുകയാണ് യുവതി. ഇതറിഞ്ഞ രഞ്ജിത് ഗോവയില് യുവതിയ്ക്ക് മെച്ചപ്പെട്ട ജോലി തരപ്പെടുത്തിക്കൊടുക്കാമെന്ന് വാഗ്ദാനം ചെയ്തു.
ഇയാളുടെ വാക്കുകള് വിശ്വസിച്ച യുവതി ഇയാള്ക്കൊപ്പം ഗോവയ്ക്ക് തിരിച്ചു. ബുധനാഴ്ച ഗോവയിലെത്തിയ രഞ്ജിത്ത് യുവതിയെയും കൊണ്ട് ഹോട്ടലില് മുറിയെടുത്തു. ഇവിടെവച്ചാണ് ഇയാള് യുവതിയെ മാനഭംഗപ്പെടുത്തിയത്.
വ്യാഴാഴ്ച രഞ്ജിത്ത് ഹോട്ടല് മുറി ഒഴിയാന് തയ്യാറെടുക്കുന്നത് കണ്ട യുവതി മാര്ഗോ പൊലീസ് സ്റ്റേഷനില് എത്തി പരാതി നല്കുകയായിരുന്നു. പരാതിയുടെ അടി്സ്ഥാനത്തില് പൊലീസ് രഞ്ജിത്തിനെ അറസ്റ്റുചെയ്തു.