കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വിഎസിനെ പിബിയില്‍ തിരിച്ചെടുക്കുന്നു

  • By Lakshmi
Google Oneindia Malayalam News

VS Achuthanadan
ദില്ലി: ഒരു വര്‍ഷക്കാലത്തെ അച്ചടക്കനടപടിയ്ക്കുശേഷം മുഖ്യമന്ത്രി വി എസ് അച്യുതാനന്ദനെ തിരിച്ചെടുക്കാന്‍ സി പി എം പോളിറ്റ് ബ്യൂറോ ഒരുങ്ങുന്നു.

ചൊവ്വാഴ്ച ചേര്‍ന്ന പാര്‍ട്ടി പോളിറ്റ് ബ്യുറോ യോഗത്തിലാണ് ഇതു സംബന്ധിച്ച ചര്‍ച്ചയില്‍ അഭിപ്രായ സമന്വയം ഉണ്ടായതായാണ് സൂചന. 2009 ജൂലൈയിലാണ് വി എസിനെ പോളിറ്റ് ബ്യൂറോയില്‍ സസ്‌പെന്‍ഡ് ചെയ്തത്.

വി എസിനെ പോളിറ്റ് ബ്യൂറോയിലേക്ക് തിരിച്ചെടുക്കുന്ന കാര്യം പിബി യോഗം ചര്‍ച്ച ചെയ്തു. അടുത്ത കേന്ദ്ര കമ്മിറ്റി യോഗത്തില്‍ ഇക്കാര്യം ചര്‍ച്ച ചെയ്ത് തീരുമാനമെടുക്കുമെന്നാണ് അറിയുന്നത്. നവംബര്‍ 19, 20, 21 തീയതികളിലാണ് കേന്ദ്ര കമ്മിറ്റി യോഗം ചേരുന്നത്.

പാര്‍ട്ടിയിലെ ഒരു മുതിര്‍ന്ന അംഗമാണ് വി എസിനെ പോളിറ്റ് ബ്യൂറോയിലേക്ക് തിരിച്ചെടുക്കുന്ന വിഷയം പി ബിയില്‍ ഉന്നയിച്ചത്. അദ്ദേഹം തിരിച്ചുവരുന്നത് പാര്‍ട്ടിയെ ശക്തിപ്പെടുത്തുമെന്നും തദ്ദേശസ്വയംഭരണ തെരഞ്ഞെടുപ്പില്‍ സി പി എമ്മിന് ഗുണം ചെയ്യുമെന്നും പി ബിയില്‍ അഭിപ്രായം ഉയര്‍ന്നു.

ഒക്ടോബറില്‍ നടക്കുന്ന തദ്ദേശതെരഞ്ഞെടുപ്പിനെ കൂടാതെ അടുത്തതായി നടക്കാന്‍ പോകുന്ന നിയമസഭാ തെരഞ്ഞെടുപ്പും ലക്ഷ്യം വെച്ചാണ് വി എസിനെ പോളിറ്റ് ബ്യൂറോയില്‍ എടുക്കാന്‍ നീക്കം നടത്തുന്നത് എന്നാണ് സൂചന.

ലാവ്‌ലിന്‍ കേസുമായി ബന്ധപ്പെട്ട് പാര്‍ട്ടി എടുത്ത നിലപാടുകള്‍ക്ക് വിരുദ്ധമായി നടത്തിയ പ്രസ്താവനകളായിരുന്നു വി എസിനെതിരെ അച്ചടക്ക നടപടിക്ക് പാര്‍ട്ടി കേന്ദ്രനേതൃത്വത്തെ പ്രേരിപ്പിച്ചത്.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X