അപായം തീര്‍ന്നു; വിവാഹ വീരന്‍ ഇനി ഓര്‍മയില്‍

നെയ്‌റോബി: നൂറില്‍പ്പരം വിവാഹം കഴിയ്ക്കുകയും 200ഓളം കുട്ടികളുടെ പിതാവാകുകയും ചെയ്ത വിവാഹ വീരന്‍ അസിന്റസ് അകുകു(94) അന്തരിച്ചു. വാര്‍ദ്ധക്യസഹജമായ രോഗങ്ങളെ തുടര്‍ന്നാണ് അകുകു മരിച്ചതെന്ന് വാര്‍ത്താഏജന്‍സികള്‍ റിപ്പോര്‍ട്ട് ചെയ്തു.

'ഡെയ്ഞ്ചര്‍' (അപായം) എന്നു വിളിപ്പേരുള്ള അകുകു കെനിയയിലെ പ്രശസ്തരായ വ്യക്തികളില്‍ ഒരാളായിരുന്നു.

85 തവണ വിവാഹമോചനം നടത്തിയ വ്യക്തിയാണ് അകുകു. ഭാര്യമാര്‍ വിശ്വാസവഞ്ചന കാണിച്ചെന്നാരോപിച്ചായിരുന്നു ഈ വിവാഹമോചനങ്ങളത്രയും. 1939ലായിരുന്നു അപായത്തിന്റെ ആദ്യ വിവാഹം. 1992ലാണ് അദ്ദേഹത്തിന്റെ ഒടുവിലത്തെ വിവാഹം നടന്നത്. തന്റെ കുട്ടികളുടെ പഠനത്തിന് വേണ്ടി രണ്ട് സ്‌കൂളുകളും അകുകു നിര്‍മിച്ചിരുന്നു.