ബ്ലാക്ക്‌ബെറി നിരോധനം യുഎഇ പിന്‍വലിച്ചു

ദുബയ്: ബ്ലാക്ക്‌ബെറി സേവനങ്ങള്‍ക്ക് യുഎഇയില്‍ നിരോധനം ഏര്‍പ്പെടുത്താനുള്ള തീരുമാനം താത്കാലികമായി പിന്‍വലിച്ചു. ബ്ലാക്ക്‌ബെറി മെസെജിങ്, ഇ മെയില്‍, ബ്രൗസിങ് തുടങ്ങിയവ ഒക്ടോബര്‍ 11 മുതല്‍ നിര്‍ത്തിവയ്ക്കാനാണ് തീരുമാനിച്ചിരുന്നത്.

നിരോധനം നടപ്പായിരുന്നെങ്കില്‍ അഞ്ചു ലക്ഷം ഉപയോക്താക്കളെ ബാധിക്കുമായിരുന്നു. യുഎഇ ടെലികമ്മ്യൂണിക്കേഷന്‍ റഗുലേറ്ററി അതോറിറ്റി ബ്ലാക് ബെറി നിര്‍മാതാക്കളായ റിം ലിമിറ്റഡുമായി ഉണ്ടാക്കിയ ധാരണയനുസരിച്ചാണു നടപടി. രാജ്യത്തിലെ നിയമങ്ങള്‍ പാലിക്കണമെന്ന വ്യവസ്ഥയിലാണിത്.