• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

വൈദികര്‍ രാഷ്ട്രീയത്തില്‍ ഇടപെടരുത് :പിണറായി

  • By Lakshmi

പത്തനംതിട്ട: രാഷ്ട്രീയത്തില്‍ ഇടപെടണമെന്ന് ആഗ്രഹിക്കുന്ന പുരോഹിതര്‍ മതപരമായ അധികാരങ്ങള്‍ ഉപേക്ഷിക്കാന്‍ തയ്യാറാകണമെന്ന് സിപിഎം സംസ്ഥാന സെക്രട്ടറി പിണറായി വിജയന്‍.

ഒരുവിഭാഗം കത്തോലിക്കാ പുരോഹിതര്‍ക്ക് യുഡിഎഫ് അനുകൂല രാഷ്ട്രീയ നിപാടാണുള്ളത്. രാഷ്ട്രീയത്തില്‍ ഇടപെടാന്‍ സഭയ്ക്ക് അവകാശമുണ്ടെന്നാണ് മാണി പറയുന്നത്. മതം രാഷ്ട്രീയത്തില്‍ ഇടപെടുമ്പോഴാണ് വര്‍ഗീയത ഉണ്ടാകുന്നതെന്നകാര്യം മാണി മറക്കരുത്.

മതനിരപേക്ഷതയ്ക്കു കോട്ടംതട്ടുന്ന കാര്യങ്ങളാണു മാണിയുടെ ഭാഗത്തുനിന്നും ഉണ്ടാകുന്നത്. ഒരുവിഭാഗം പുരോഹിതര്‍ക്കുവേണ്ടി വക്കീല്‍കുപ്പായം അണിയുന്ന നിലപാട് അദ്ദേഹം അവസാനിപ്പിക്കണം- പിണറായി ആവശ്യപ്പെട്ടു.

തെരഞ്ഞെടുപ്പ് വിഷയങ്ങളില്‍ മതം ഇടപെടുന്നതു തടയാനാണ് കമ്മിഷന്റെ ഭാഗത്തുനിന്നും ഇതിനെതിരേ മുന്നറിയിപ്പും താക്കീതും ഉണ്ടായത്.

ജൂലൈ 18ന് പള്ളികളില്‍ വായിക്കാനിരുന്ന ഇടയലേഖനത്തിനെതിരേയായിരുന്നു തെരഞ്ഞെടുപ്പ് കമ്മിഷന്റെ താക്കീതെന്ന കാര്യം മാണി ഓര്‍ക്കണം. ഇടതുപാര്‍ട്ടികള്‍ക്ക് വോട്ടുചെയ്യരുതെന്ന അവ്യക്തമായ നിര്‍ദ്ദേശമാണ് ചില പുരോഹിതരുടെ ഭാഗത്തുനിന്നും ഉണ്ടായിട്ടുള്ളത്.

സ്വതന്ത്രര്‍ക്കു വോട്ടുചെയ്യരുതെന്നും വിശ്വാസികളെ പുരോഹിതര്‍ അറിയിച്ചിരുന്നു. ഇതൊക്കെ ചെയ്യാന്‍ മതത്തിന് അവകാശമുണ്ടെന്നുള്ള മാണിയുടെ വാദം മത നിരപേക്ഷതയ്ക്ക് എതിരാണെന്നും സഭയും മാണിയും മതനിരപേക്ഷത തകര്‍ക്കാനാണു ശ്രമിക്കുന്നതെന്നും പിണറായി പറഞ്ഞു.

ഞായറാഴ്ച പത്തനംതിട്ട പ്രസ് ക്ലബിന്റെ ആഭിമുഖ്യത്തില്‍ നടന്ന മീറ്റ് ദി പ്രസില്‍ സംസാരിക്കുകയായിരുന്നു പിണറായി വിജയന്‍.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more