ഉപവാസം: കുടുംബത്തിലെ 3 പേര്‍ മരിച്ചു

അജ്മീര്‍: രാജസ്ഥാനിലെ അജ്മീര്‍ ദര്‍ഗയില്‍ 38 ദിവസമായി ഉപവാസം അനുഷ്ഠിച്ചു വന്ന കുടുംബത്തിലെ മൂന്ന് പേര്‍ മരിച്ചു. ഇവര്‍ക്കൊപ്പമുണ്ടായിരുന്ന മറ്റു പത്തു പേരെ ആശുപത്രിയില്‍ പ്രവേശിപ്പിച്ചു. ഇവരില്‍ പലരുടെയും നില ഗുരുതരമാണെന്ന് ആശുപത്രി അധികൃതര്‍ അറിയിച്ചു.

മുഹമ്മദ് സലാം നാസര്‍(17), കൈസര്‍ (28) എന്നിവരാണ് മരിച്ചത്. ചികിത്സയില്‍ കഴിയുന്നവരില്‍ രണ്ടും മൂന്നും വയസ്സുള്ള കുട്ടികളുമുണ്ട്. ദുര്‍മന്ത്രവാദത്തില്‍ നിന്നും രക്ഷ നേടാനായി 40 ദിവസത്തെ ഉപവാസമാണ് അനുഷ്ഠിച്ചിരുന്നതെന്ന് ആശുപത്രിയില്‍ പ്രവേശിപ്പിക്കപ്പെട്ടവര്‍ പറഞ്ഞു.

അലഹബാദില്‍ നിന്നുള്ള വിദ്യാസമ്പന്നരായ മധ്യ വര്‍ഗ്ഗ കുടുംബമാണ് അന്ധവിശ്വാസങ്ങളില്‍ കുരുങ്ങി നാല്‍പത് ദിവസത്തെ ഉപവാസം നടത്തി അപകടത്തില്‍പ്പെട്ടതെന്ന് അധികൃതര്‍ പറയുന്നു. ഉപവാസത്തിന് നേതൃത്വം നല്‍കിയ കുടുംബനാഥനായ മുഹമ്മദ് മുസ്തഫ (59) മര്‍ച്ചന്റ് നേവി ഓഫീസറായി വിരമിച്ചയാളാണ്.

നാല് വര്‍ഷം മുമ്പ് സഹോദരന്‍ കുടുംബത്തിനെതിരെ ആഭിചാരം നടത്തിയിരുന്നുവെന്ന് മുഹമ്മദ് പറയുന്നു. ഇതില്‍ നിന്ന് മോചനം നേടാനാണ് ഇവര്‍ അജ്മീര്‍ ദര്‍ഗയിലെത്തി 40 ദിവസത്തെ ഉപവാസം അനുഷ്ഠിയ്ക്കാന്‍ തീരുമാനിച്ചത്.