19 വര്ഷത്തിനു ശേഷം ഇന്ത്യ രക്ഷാസമിതിയില്
യുനൈറ്റഡ് നേഷന്സ്: പത്തൊമ്പത് വര്ഷത്തിനു ശേഷം ഇന്ത്യ യു.എന്. രക്ഷാസമിതിയിലെ താത്കാലിക അംഗമായി. 191 അംഗ യുഎന് പൊതുസഭയില് ചൊവ്വാഴ്ച നടന്ന വോട്ടെടുപ്പില് 187 രാജ്യങ്ങള് ഇന്ത്യയെ പിന്തുണച്ചു. ഒരംഗരാജ്യം വോട്ടെടുപ്പില്നിന്ന് വിട്ടുനിന്നു. താത്കാലിക അംഗമാകാനുള്ള മത്സരത്തില് നിന്ന് കസാഖ്സ്താന് പിന്മാറിയതാണ് ഇന്ത്യയെ തിരഞ്ഞെടുക്കുന്നതില് നിര്ണായകമായത്.
ഐക്യരാഷ്ട്രസഭയുടെ സ്ഥാപകാംഗങ്ങളിലൊരാളായ ഇന്ത്യ ഇതിനുമുമ്പ് ആറുവട്ടം രക്ഷാസമിതിയില് താത്കാലിക അംഗമായിട്ടുണ്ട്. എന്നാല് 1992നുശേഷം അതിനു കഴിഞ്ഞിട്ടില്ല. 1996ല് മത്സരിച്ചെങ്കിലും ജപ്പാനോട് പരാജയപ്പെടുകയായിരുന്നു.
ആഫ്രിക്കന് മേഖലയില്നിന്ന് ദക്ഷിണാഫ്രിക്കയും ലാറ്റിന് അമേരിക്കയില് നിന്ന് കൊളംബിയയും രക്ഷാസമിതിയിലേക്ക് തിരഞ്ഞെടുക്കപ്പെട്ടിട്ടുണ്ട്്. ജനവരി ഒന്നുമുതലാണ് തത്കാലിക അംഗങ്ങളുടെ കാലാവധി തുടങ്ങുന്നത്.