എന്ജിനീയര്മാര് മിസൈല് തപാലില് അയച്ചു
ലണ്ടന്: അഫ്ഗാനിസ്താനിലെ സേനാ എന്ജിനീയര്മാര് ബ്രിട്ടനിലേക്ക് സാധാരണ തപാല് മാര്ഗം മിസൈല് അയച്ചതായി റിപ്പോര്ട്ട്. രണ്ടു വര്ഷം മുമ്പാണത്രേ ഈ സംഭവം നടന്നത്. വിവരാവകാശ നിയമപ്രകാരം ലഭ്യമായ ഈ വിവരം ദി സണ് പത്രമാണ് റിപ്പോര്ട്ട് ചെയ്തത്.
അപ്പാച്ചേ ഹെലികോപ്റ്ററുകളിലുപയോഗിക്കുന്ന മിസൈലാണ് അഫ്ഗാനിസ്താനില് നിന്ന് തപാല് മാര്ഗം അയച്ചത്. ലോകത്തെ ഏറ്റവും ശക്തിയേറിയ റോക്കറ്റുകളിലൊന്നാണിത്.
70 എം.എം. റോക്കറ്റ് 3,500 മൈല് പിന്നിട്ടാണ് ബ്രിട്ടനിലെ വ്യോമസേനാ താവളത്തിലെത്തില് മിസൈല് പൊതി എത്തിയത്. സഫോക്കിലെ വാട്ടിഷാം എയര് ഫീല്ഡിലെത്തിച്ച പൊതി, 70ഓളം തൊഴിലാളികളെ സ്ഥലത്തുനിന്ന് ഒഴിപ്പിച്ച ശേഷമാണ് തുറന്നത്.
അഫ്ഗാനിസ്താനിലെ ബാസ്റ്റ്യന് സേനാ ക്യാമ്പിലെ എന്ജിനീയര്മാരാണ് മിസൈല് അയച്ചത്. മിസൈല് വിക്ഷേപിണി തകരാറിലായെന്ന് അധികൃതരെ അറിയിച്ചിരുന്നെങ്കിലും വിക്ഷേപിണിയില് മിസൈല് ഉണ്ടായിരുന്ന കാര്യം അവരുടെ ശ്രദ്ധയില് പെട്ടില്ലെന്ന് പ്രതിരോധ മന്ത്രാലയ രേഖകള് വ്യക്തമാക്കുന്നു.
തുടര്ന്ന്
അപകടരഹിതമായ
വസ്തു
എന്ന
നിലയില്
അത്
പായ്ക്ക്
ചെയ്ത്
ബ്രിട്ടനിലേക്ക്
അയയ്ക്കുകയായിരുന്നു.