രൂപയുടെ ചിഹ്നം നിങ്ങളുടെ കീബോര്‍ഡിലും

ബാംഗ്ലൂര്‍: രൂപയുടെ പുതിയ ചിഹ്നം കംപ്യൂട്ടര്‍ കീബോര്‍ഡിലേക്ക്. കാലിഫോര്‍ണിയ ആസ്ഥാനമായുള്ള യൂണികോഡ് കസോര്‍ഷ്യം തിങ്കളാഴ്ച പുറത്തിറക്കിയ യൂണികോഡ് വെര്‍ഷന്‍ 6.0 ലാണ് കീബോര്‍ഡുകളില്‍ ഉടന്‍ ചിഹ്നം ഉള്‍പ്പെടുത്താനുള്ള മാര്‍ഗം തുറന്നത്. രൂപ ചിഹ്നത്തിനു പുറമെ യൂണികോഡിന്റെ പുതിയ റിലീസില്‍ 2088 ക്യാരക്ടറുകളും 1000 ചിഹ്നങ്ങളും ഉള്‍ക്കൊള്ളിച്ചിട്ടുണ്ട്.

പുതിയ സോഫ്റ്റ്‌വെയര്‍ ഇന്‍സ്റ്റാള്‍ ചെയ്താല്‍ പ്രത്യേക കീ അമര്‍ത്തുമ്പോഴോ ഒന്നിലധികം കീ ഒരുമിച്ച് അമര്‍ത്തുമ്പോഴോ മോണിറ്ററില്‍ രൂപയുടെ ചിഹ്നം തെളിയും. ചിഹ്നത്തിന്റെ യൂണികോഡ് ക്യാരക്ടര്‍ കോഡ് +20ആ9 ആണ്.

സോഫ്റ്റ് വെയര്‍ കമ്പനികളും മറ്റും പുതിയ ചിഹ്നം ഉള്‍പ്പെടുത്താന്‍ വൈകുമെന്നിരിക്കെ ഓപ്പറേറ്റിങ് സിസ്റ്റമായ ഉബുണ്ടുവിന്റെ ഏറ്റവും പുതിയ വെര്‍ഷന്‍ 10.10 രൂപ ചിഹ്നവുമായി ഉടന്‍ പുറത്തിറങ്ങും.

രൂപയുടെ ചിഹ്നം ഉള്‍പ്പെടുത്താന്‍ ആഗസ്തില്‍ കേന്ദ്ര വിവരസാങ്കേതികവകുപ്പ് യൂണികോഡ് കസോര്‍ഷ്യത്തോട് ആവശ്യപ്പെട്ടിരുന്നു. കീബോര്‍ഡില്‍ എത്രയുംവേഗം ചിഹ്നം ഉള്‍ക്കൊള്ളിക്കാന്‍ ഹാര്‍ഡ് വെയര്‍ നിര്‍മാതാക്കളോടും വകുപ്പ് ആവശ്യപ്പെട്ടിട്ടുണ്ട്.