ബിഹാര്‍ ക്ഷേത്രത്തില്‍ തിക്കിലും തിരക്കലും 10 മരണം

പട്‌ന: ബിഹാറില്‍ ബങ്ക ജില്ലയിലെ തില്‍ദിഹ ഗ്രാമത്തില്‍ നവരാത്രി ഉത്സവത്തോടനുബന്ധിച്ചു ദുര്‍ഗാ ക്ഷേത്രത്തിലുണ്ടായ തിക്കിലും തിരക്കിലും പത്തു പേര്‍ മരിച്ചു. ഏഴോളം പേരുടെ നില ഗുരുതരമാണ്.

ശനിയാഴ്ച രാത്രിയാണു സംഭവം.30,000 പേരാണു ക്ഷേത്ര ദര്‍ശനത്തിന് എത്തിയത്. ആടിനെ ബലികഴിക്കുമ്പോഴാണു തിക്കും തിരക്കും അനുഭവപ്പെട്ടതെന്നു ഡിജിപി നീല്‍മണി പറഞ്ഞു.

ബലി നടക്കുന്നതിനിടെ ചിലരുടെ ദേഹത്ത് ആടിന്റെ ശരീരഭാഗങ്ങള്‍ തെറിച്ചു വീണതാണു ദുരന്ത കാരണമെന്ന് റിപ്പോര്‍ട്ടുകളുണ്ട്.