യുഡിഎഫ് തിരുവന്പാടി മറക്കരുത്: പിണറായി

കോഴിക്കോട്: മതം രാഷ്ട്രീയത്തില്‍ ഇടപെട്ടാല്‍ ഇനിയും വിമര്‍ശിക്കുമെന്ന് സിപിഎം സംസ്ഥാന സെക്രട്ടറി പിണറായി വിജയന്‍ പറഞ്ഞു. മതം രാഷ്ട്രീയത്തില്‍ ഇടപെടുന്നത് വര്‍ഗീയതയാണ് അതിനെ വിമര്‍ശിയ്ക്കുന്നത് സ്വഭാവികമാണ്. ആ വിമര്‍ശം ശരിയാണന്നാണ് പാര്‍ട്ടി കരുതുന്നത്.

ചില പുരോഹിതന്‍മാരെ തിരിച്ചുവിട്ട് ക്രിസ്തീയവോട്ടുകള്‍ എല്‍ഡിഎഫിനെതിരെ തിരിക്കാമെന്നു കരുതുന്നവര്‍ തിരുവമ്പാടിയുടെ ചരിത്രം ഓര്‍മ്മിക്കണം.

സഭ രാഷ്ട്രീയത്തില്‍ ഇടപെടരുതെന്ന പാസ്റ്ററല്‍ കൗണ്‍സിലിന്റെ തീരുമാനം യുഡിഎഫിന് എതിരാണെന്നും പിണറായി വിജയന്‍ ചൂണ്ടിക്കാട്ടി. കോഴിക്കോട് പ്രസ്‌ക്ലബിന്റെ മീറ്റ് ദ ലീഡര്‍ പരിപാടിയില്‍ സംസാരിക്കുകയായിരുന്നു അദ്ദേഹം.

തെറ്റിദ്ധാരണമൂലം പാര്‍ട്ടി വിട്ടവര്‍ തിരിച്ചുവരണമെന്നും ഒഞ്ചിയത്ത് പാര്‍ട്ടിക്ക് നിസ്സഹായവസ്ഥ ഇല്ലന്നും പിണറായി പറഞ്ഞു.

യുഡിഎഫില്‍ നല്ല സ്വീകരണം പ്രതീക്ഷിച്ച് എല്‍ഡിഎഫ് വിട്ടവര്‍ ഇപ്പോള്‍ നിരാശയിലാണന്നും അദ്ദേഹം പറഞ്ഞു.