പോള്‍ നീരാളിയുടെ മരണത്തില്‍ ദുരൂഹത

ജര്‍മ്മനി: ഫിഫ ലോകകപ്പ് ഫുട്‌ബോള്‍ ഫൈനല്‍ മത്സരത്തോടെ താരമായി മാറിയ പോള്‍ നീരാളിയുടെ അന്ത്യത്തില്‍ ദുരൂഹതയുണ്ടെന്ന് റിപ്പോര്‍ട്ടുകള്‍.

ഹു കില്‍ഡ് പോള്‍ ദ ഒക്ടോപസ്? എന്ന ത്രില്ലര്‍ സിനിമ സംവിധാനം ചെയ്യുന്ന ജിയാംഗ് സിയാവൊ പറയുന്നത് പോളിന്റെ ജീവന്‍ മാസങ്ങള്‍ക്ക് മുമ്പേ തന്നെ നഷ്ടപ്പെട്ടിരുന്നുവെന്നാണ്.

പോള്‍ കഴിഞ്ഞ മൂന്ന് മാസങ്ങള്‍ക്ക് മുമ്പേ മരിച്ചുരുന്നുവത്രേ. ജൂലൈയില്‍ സ്വന്തം കൂടിനുള്ളില്‍ വച്ച് ജീവന്‍ നഷ്ടമായ പോളിനെ സൂക്ഷിപ്പുകാര്‍ രഹസ്യമായി മാറ്റുകയായിരുന്നു എന്നും ജിയാംഗ് പറയുന്നു.

ജര്‍മ്മനിയിലെ ഒബര്‍ഹോസന്‍ കടല്‍ജീവി സങ്കേതത്തിലെ അന്തേവാസിയായിരുന്ന പോള്‍ മരിച്ച വിവരം ചൊവ്വാഴ്ച രാവിലെയാണ് പുറംലോകം അറിയുന്നത്. തൊട്ടു തലേ ദിവസമായിരുന്നു പോളിന്റെ അന്ത്യം സംഭവിച്ചതെന്നായിരുന്നു കടല്‍ജീവി സങ്കേതത്തില്‍ നിന്ന് പുറത്തുവന്ന വാര്‍ത്തകള്‍.

എന്തായാലും ഓണ്‍ലൈന്‍ സമൂഹമാകെ പോളിന്റെ വിയോഗത്തില്‍ ദു:ഖം പ്രകടിപ്പിക്കുകയാണ്. പോളിന്റെ നഷ്ടത്തില്‍ അനുശോചിക്കുന്നവരുടെ സന്ദേശങ്ങള്‍ സോഷ്യല്‍ നെറ്റ് വര്‍്ക്കിങ് വെബ്‌സൈറ്റുകള്‍ നിറഞ്ഞു കവിയുകയാണ്.