ഐ വി ദാസ് അന്തരിച്ചു
കോഴിക്കോട് സ്വകാര്യ ആശുപത്രിയിലായിരുന്നു അന്ത്യം. പത്തു വര്ഷത്തോളം ദേശാഭിമാനി വാരിക പത്രാധിപരായിരുന്നു. വൃക്ക സംബന്ധമായ അസുഖത്തെ തുടര്ന്ന് രണ്ടു മാസമായി ചികിത്സയിലായിരുന്നു. സംസ്ക്കാരം ഞായറാഴ്ച രാവിലെ 11 മണിയ്ക്ക് മൊകേരിയില്.
ഐ വി ഭുവനദാസ് എന്നാണ് പൂര്ണമായ പേര്. 1932 ജൂലായ് ഏഴിന് തലശ്ശേരിയിലെ മൊകേരിയില് ജനിച്ചു. അധ്യാപകനായാണ് ഔദ്യോഗിക ജീവിതം ആരംഭിച്ചത്.
കേരളഗ്രന്ഥശാലാ സംഘം ജോയിന്റ് സെക്രട്ടറി, കണ്ട്രോള് ബോര്ഡ് അംഗം, കേരള സ്റ്റേറ്റ് ലൈബ്രറി കൗണ്സില് സെക്രട്ടറി , സാഹിത്യ അക്കാദമി സെക്രട്ടറി എന്നീ നിലകളില് സേവനം അനുഷ്ടിച്ചിട്ടുണ്ട്. 12 ലധികം കൃതികള് പ്രസിദ്ധപ്പെടുത്തിയിട്ടുണ്ട്. റീഡേഴ്സ് പുരസ്ക്കാരം, അക്ഷരപുരസ്ക്കാരം, പി എന് പണിക്കര് പുരസ്ക്കാരം എന്നിവ ലഭിച്ചിട്ടുണ്ട്.
Click it and Unblock the Notifications
Sign in with Google