കളിക്കൂട്ടുകാരനെ കാണാന്‍ സച്ചിന്‍ വീണ്ടുമെത്തി

അഹമദാബാദ്: സച്ചിന്‍ ടെണ്ടുല്‍ക്കര്‍ വീണ്ടും പഴയ കൂട്ടുകാരനെ കാണാന്‍ വീണ്ടുമെത്തി. ന്യൂസിലാന്‍ഡിനെതിരെ നടക്കുന്ന ആദ്യ ടെസ്റ്റ് മത്സരത്തിനായി അഹമദാബാദില്‍ എത്തിയപ്പോഴാണ് സച്ചിന്‍ കൂട്ടുകാരനായ ദല്‍ബീറിനെ കാണാനെത്തിയത്.

അപകടത്തില്‍ ഗുരുതരമായി പരുക്കേറ്റ ദല്‍ബീര്‍ ഏറെക്കാലമായി ചികിത്സയിലാണ്. ആറു മാസത്തോളം ദല്‍ബീര്‍ സിംഗ്ബോധമില്ലാതെ കിടന്നിരുന്നു. ചികിത്സ തുടരാന്‍ വന്‍ തുക ആവശ്യമായി വന്നപ്പോള്‍ സച്ചിനാണ് സഹായത്തിനെത്തിയത്.

പിന്നീട് ഒട്ടേറെ ശസ്ത്രക്രിയകള്‍ക്കും വിദഗ്ധ ചിതികിത്സയ്ക്കും ശേഷം ദല്‍ബീര്‍ സുഖം പ്രാപിക്കുകയായിരുന്നു. കഴിഞ്ഞ ദിവസം തന്നെ കാണാനെത്തിയ സച്ചിന് ദീപാവലി ആശംസകള്‍ നേര്‍ന്നുക്കൊണ്ട് ദല്‍ബീര്‍ ചോക്കളേറ്റുകളും ഹനുമാന്‍ വിഗ്രവും സമ്മാനിച്ചു.

ഇന്ത്യയുടെ അണ്ടര്‍ പതിനേഴ് ടീമില്‍ സച്ചിനൊപ്പം കളിച്ചിരുന്നയാളാണ് ദല്‍ബീര്‍ സിംഗ്. 2002ല്‍ ദില്‍ബീര്‍ സഞ്ചരിച്ച ബൈക്ക് ടാങ്കര്‍ ലോറിയിലിടിക്കുകയായിരുന്നു.

ദല്‍ബീറിന്റെ ശസ്ത്രക്രിയയ്ക്ക് ആറു ലക്ഷത്തോളം ചെലവ് വരുമെന്ന് കാണിച്ച് ദല്‍ബീറിന്റെ അമ്മ സുഖ്ദയാല്‍ കൌര്‍ സച്ചിന് കത്തയക്കുകയായിരുന്നു. കത്ത് കിട്ടിയ ഉടന്‍ സച്ചിന്‍ സുഹൃത്തുമായി ബന്ധപ്പെട്ട് എല്ലാ സഹായങ്ങളും ഉറപ്പുനല്‍കുകയായിരുന്നു.