ശാന്തിക്കാര് ദക്ഷിണ വാങ്ങരുത്: ബോര്ഡ്
തിരുവനന്തപുരം: തിരുവിതാംകൂര് ദേവസ്വംബോര്ഡിന്റെ കീഴിലുള്ള ക്ഷേത്രങ്ങളില് ശാന്തിക്കാര് ദക്ഷിണ വാങ്ങരുതെന്ന് നിര്ദ്ദേശം.
ക്ഷേത്രങ്ങളില് പൂജാരിമാര് ഭക്തര്ക്ക് പ്രസാദം നല്കുമ്പോള് പ്രതിഫലം സ്വീകരിക്കാന് പാടില്ല. രസീതില്ലാതെ വഴിപാടുകള് നടത്തിക്കൊടുത്ത് ഭക്തരില്നിന്ന് പണം വാങ്ങാനും പാടില്ല. ഈ ഉത്തരവ് പാലിക്കപ്പെടുന്നുണ്ടെന്ന് ഉറപ്പാക്കാന് വേണ്ട നടപടികള് പരിശോധനാവിഭാഗം അസിസ്റ്റന്റ് ദേവസ്വം കമ്മീഷണര് സ്വീകരിയ്ക്കണം. അതേസമയം ശാന്തിക്കാരുടെ ബത്ത തത്കാലം വര്ധിപ്പിക്കേണ്ടെന്ന് യോഗം തീരുമാനിച്ചിട്ടുണ്ട്.
ദേവസ്വം കമ്മീഷണര് പി.വി.നളിനാക്ഷന് നായരുടെ നേതൃത്ത്വത്തില് നടന്ന യോഗത്തിലാണ് ഈ തീരുമാനം ഉണ്ടായത്.
തിരുവിതാങ്കൂര് ദേവസ്വത്തിന്റെ കീഴില് ആകെ 1208 ക്ഷേത്രങ്ങളാണ് ഉള്ളത്.
Click it and Unblock the Notifications
Sign in with Google