ഓര്ക്കുട്ട് പ്രണയം ആത്മഹത്യയില് കലാശിച്ചു
അഗര്ത്തല: സോഷ്യല് നെറ്റ്വര്ക്ക് സൈറ്റായ ഓര്ക്കൂട്ടിലൂടെ തുടങ്ങിയ പ്രണയം വിദ്യാര്ത്ഥിയുടെ ആത്മഹത്യയില് കലാശിച്ചു.
കാമുകി ബന്ധം ഉപേക്ഷിക്കാന് തുടങ്ങിയതില് മനം നൊന്ത് അഗര്ത്തല സര്ക്കാര് മെഡിക്കല് കോളേജിലെ നാലാം വര്ഷ വിദ്യാര്ത്ഥിയായ രൂപക് നാഥാണ് ആത്മഹത്യ ചെയ്തത്.
കൊല്ക്കൊത്തയില് നിന്നും പെണ്കുട്ടിയും രൂപക് നാഥും ഓര്ക്കൂട്ട് വഴി പ്രണയത്തിലാവുകയായിരുന്നു. ഓര്ക്കൂട്ട് വഴി തുടങ്ങിയ സൗഹൃദം പിന്നീട് പ്രണയത്തിലേക്ക് വഴിമാറിയെങ്കിലും ഇവര് തമ്മില് നേരില് കണ്ടിട്ടില്ലായിരുന്നു.
ദക്ഷിണേന്ത്യയിലെ ഒരു കോളേജിലാണ് പെണ്കുട്ടി പഠിക്കുന്നത്. സംഭവ ദിവസം പെണ്കുട്ടി രാവിലെ മുതല് രൂപകിനെ വിളിച്ചിരുന്നെങ്കിലും ഫോണ് അറ്റന്റ് ചെയ്യുന്നുണ്ടായിരുന്നില്ല.
തുടര്ന്ന് ഈ വിവരം പെണ്കുട്ടി രൂപകിന്റെ സുഹൃത്തുക്കളെ അറിയിച്ചു. സുഹൃത്തുക്കള് ഹോസ്റ്റലിലുള്ള രൂപകിന്റെ മുറി തള്ളിത്തുറന്നപ്പോള് കണ്ടത് സീലിംഗ് ഫാനില് തൂങ്ങി നില്ക്കുന്ന രൂപകിനെയായിരുന്നു. ഭിത്തിയില് ചോരകൊണ്ട് പെണ്കുട്ടിയുടെ പേര് എഴുതി വച്ചിരുന്നു.
രൂപകിന്റെ സ്ക്രാപ്പ് ബുക്കില് നിരാശാഭരിതമായ ഒട്ടേറെ മെസേജുകള് ഉണ്ടെന്ന് പൊലീസ് പറയുന്നു. മുമ്പും രൂപക് ആത്മഹത്യാ ശ്രമം നടത്തിയിട്ടുണ്ടത്രേ.