മന്ത്രിമാര് അയ്യപ്പദര്ശനം നടത്തി
പമ്പ: സംസ്ഥാനത്തെ മൂന്നുമന്ത്രിമാര് നവംബര് അഞ്ച് വെള്ളിയാഴ്ച അയ്യപ്പദര്ശനത്തിനായി മലകയറി. ദേവസ്വംമന്ത്രി കടന്നപ്പള്ളി രാമചന്ദ്രന്, ഗതാഗത മന്ത്രി ജോസ് തെറ്റയില്, യുവജനക്ഷേമമന്ത്രി വി. സുരേന്ദ്രന്പിള്ള എന്നിവരാണ് വെള്ളിയാഴ്ച വൈകീട്ട് മലകയറിയത്. മണ്ഡല കാലം തുടങ്ങുന്നതിനുമുമ്പ് ഒരുക്കങ്ങള് വിലയിരുത്താനായാണ് പ്രധാനമായും ജോസ് തെറ്റയിലും കടന്നപ്പള്ളി രാമചന്ദ്രനും ശബരിമലയിലെത്തിയത്.
പമ്പാ ഗണപതികോവിലില് തേങ്ങ ഉടച്ച ശേഷമാണ് മൂവരും മലകയറിയത്. സുരേന്ദ്രന്പിള്ളയുടെ മകന് ആനന്ദ്എസ്. പിള്ളയ്ക്ക് പമ്പ മേല്ശാന്തി ഇരുമുടിക്കെട്ട് നിറച്ചുനല്കി.
മൂന്ന് മന്ത്രിമാരും കെട്ട് നിറയ്ക്കാതെയായിരുന്നു മല കയറിയത്. ചാറ്റല് മഴ കാരണം മലകയറണോയെന്ന് സംശയിച്ചു നിന്ന ശേഷമാണ് കടന്നപ്പള്ളിയും തെറ്റയിലും ഒടുവില് സുരേന്ദ്രന്പിള്ളയ്ക്കൊപ്പംചേര്ന്നത്. സുരേന്ദ്രന്പിള്ള മകനെയുംകൂട്ടി ദര്ശനത്തിനായി വന്നതായിരുന്നു. മൂന്നു മന്ത്രിമാരും രാത്രി തന്നെ മലയിറങ്ങി., കെ.എസ്.ആര്.ടി.സി. എം.ഡി. സഞ്ജീവ് കുമാര് പട്ജോഷിയും മന്ത്രിമാര്ക്കൊപ്പം ഉണ്ടായിരുന്നു.