മിസ് സൗത്ത് ഇന്ത്യ മത്സരം കൊച്ചിയില്‍

കൊച്ചി: മിസ് സൌത്ത് ഇന്ത്യാ സൌന്ദര്യമല്‍സരം ശനിയാഴ്ച കൊച്ചിയില്‍ നടക്കും. ഇവന്റ് മാനേജ്‌മെന്റ് കമ്പനിയായ പെഗാസസ് ആണ് മത്സരം സംഘടിപ്പിക്കുന്നത്.

വൈകിട്ട് ആറരയ്ക്ക് ഹോട്ടല്‍ ലേ മെറീഡിയനിലാണു തെക്കേ ഇന്ത്യയുടെ സുന്ദരിയെ കണ്ടെത്തുന്ന മല്‍സരം ആരംഭിക്കുക.

കേരളം, തമിഴ്‌നാട് , കര്‍ണാടക, ആന്ധ്രാപ്രദേശ് എന്നിവിടങ്ങളില്‍ നിന്നു 16 പേരാണ് മത്സരത്തില്‍ മാറ്റുരയ്ക്കാന്‍ എത്തുന്നത്. കേരളത്തില്‍ നിന്നു നാലുസുന്ദരികള്‍ മല്‍സരത്തിനുണ്ട്.

ദിവസങ്ങളായി നടന്നുവന്ന ഗ്രൂമിങ് സെഷന്‍ കഴിഞ്ഞ ദിവസം പൂര്‍ത്തിയായി. വിവധ ഘട്ടങ്ങളായി നടക്കുന്ന മല്‍സരത്തില്‍ ചലച്ചിത്ര ഫാഷന്‍ ലോകത്തെ പ്രമുഖരാണു വിധികര്‍ത്താക്കള്‍.