• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

വയനാട്ടിലെ അരിയ്ക്ക് ഭൗമസൂചിക ലഭിച്ചു

തൃശൂര്‍: കേരളത്തിലെ മൂന്ന് കാര്‍ഷീക ഉല്പന്നങ്ങള്‍ക്ക് ഭൗമ സൂചിക ലഭിച്ചു. വയനാട്ടിലെ ജീരകശാല അരി, ഗന്ധകശാല അരി, മധ്യ തിരുവിതാംകൂറിലെ ശര്‍ക്കര എന്നിവയ്ക്കാണ് ഭൗമസൂചികകള്‍ ലഭിച്ചത്. കേരള കാര്‍ഷീക സര്‍വകലാശാല മുന്‍കൈ എടുത്താണ് ഇത് നേടിയത്.

ഒരു പ്രത്യേക പ്രദേശത്ത് ഉല്പാദിപ്പിയ്ക്കുകയോ ഉണ്ടാക്കുകയോ ചെയ്യുന്ന വസ്തുക്കള്‍ക്കാണ് ഇത്തരത്തില്‍ ഭൗമ സൂചിക നല്‍കുന്നത്. ഇത്തരം ഉല്പന്നങ്ങളുടെ മികവ് ഈ പ്രദേശത്ത് ഉല്പാദിപ്പിയ്ക്കുമ്പോള്‍ മാത്രമായിരിയ്ക്കും എന്നതാണ് ഭൗമ സൂചിക കൊണ്ട് ഉദ്ദേശിയ്ക്കുന്നത്. ഭൗമ സൂചിക ഉല്പന്നങ്ങളുടെ വ്യാപകമായ ഉല്പാദനം നിയന്ത്രിയ്ക്കും. ഇതിന് നിയമപരമായ സാധുത നല്‍കുകയും ചെയ്യും.

മറ്റുള്ളവര്‍ ഇതേ പേരില്‍ ഉല്പന്നങ്ങള്‍ ഉണ്ടാക്കി വിപണനം നടത്തുന്നത് തടയലാണ് ഇത് ചെയ്യുന്നതിന്റെ ഉദ്ദേശം.

വയനാട്ടിലെ ഏകദേശം 400 ഹെക്ടര്‍ സ്ഥലത്ത് മാത്രമാണ് ജീരകശാല, ഗന്ധകശാല എന്നീ നെല്ലിനങ്ങള്‍ കൃഷി ചെയ്യുന്നത്. വയനാട്ടില്‍ മാത്രമേ ഇവ കൃഷി ചെയ്യുന്നുള്ളു. പ്രത്യേക ഗന്ധവും രുചിയും ഉള്ള അരിയാണ് ഈ നെല്ലിനത്തില്‍ നിന്ന് കിട്ടുന്നത്. വയനാട്ടിലെ ചെട്ടി, കുറുമ, കുറിച്യ വിഭാഗത്തിലെ ആളുകളാണ് ഈ നെല്ലിനങ്ങള്‍ കൃഷി ചെയ്യുന്നത്. വിപണിയില്‍ ഈ അരിയ്ക്ക് 50-60 രൂപയാണ് കിട്ടുക. കേരള കാര്‍ഷീക സര്‍വകലാശാലയും വയനാട് ജില്ലാ നെല്ലുല്‍പാദക കര്‍ഷക സമിതിയും സംയുക്തമായാണ് ഭൗമ സൂചികയ്ക്കായി അപേക്ഷ നല്‍കിയത്.

മധ്യ തിരുവിതാംങ്കൂറിലെ 200 ഹെക്ടര്‍ സ്ഥലത്ത് വിളഞ്ഞ് കിട്ടുന്ന കരിമ്പ് ഉപയോഗിച്ചാണ് മധ്യ തിരുവിതാങ്കൂര്‍ ശര്‍ക്കര ഉണ്ടാക്കുന്നത്.

നേരത്തെ കാര്‍ഷീക സര്‍വകലാശാല പൊക്കാളി അരി, വാഴക്കുളം കൈതചക്ക എന്നിവയ്ക്ക് ഭൗമസൂചിക നേടിയിരുന്നു. പത്ത് വര്‍ഷത്തേയ്ക്കാണ് ഭൗമസൂചിക അനുവദിയ്ക്കുന്നത്.

ജീരകശാല അരിയ്ക്കൊപ്പെ കര്‍ണാടകത്തിലെ ഉഡുപ്പിക്കടുത്ത ശങ്കരപുര ഗ്രാമത്തില്‍ കൃഷി ചെയ്യുന്ന മുല്ലപ്പൂവിനും ഭൗമസൂചിക അനുവദിച്ചു കിട്ടിയിട്ടുണ്ട്.

ഒരു ഉത്പന്നത്തിനുമേല്‍ ഒരു പ്രാദേശിക സമൂഹത്തിനായി നല്‍കുന്ന പേറ്റന്‍റായിത്തന്നെ ഇതിനെ കരുതാം. ആറന്മുള കണ്ണാടി, നീലഗിരി തേയില എന്നിവയ്ക്കും ഭൗമസൂചിക എന്ന ജ്യോഗ്രഫിക്കല്‍ ഇന്‍ഡിക്കേഷന്‍ (ജി.ഐ.) ലഭിച്ചിരുന്നു.

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more