ബക്രീദ് നവംബര്‍ 17 ന്

തിരുവനന്തപുരം: ഈ വര്‍ഷത്തെ ബക്രീദ് ആഘോഷം നവംബര്‍ 17 നായിരിയ്ക്കുമെന്ന് തിരുവന്തപുരം പാളയം ഇമാം മൗലവി ജമാലുദ്ദീന്‍ മങ്കടയും തെക്കന്‍ കേരള ജമായത്തുല്‍ ഉലമ സെക്രട്ടറി തടിയൂര്‍ മുഹമ്മദ് കുഞ്ഞ് മൗലവിയും സംയുക്ത പ്രസ്ഥാവനയില്‍ അറിയിച്ചു.

നവംബര്‍ ആറ് ശനിയാഴ്ചയും ചന്ദ്രനെ കാണാത്തതിനാലാണ് ഈ തീരുമാനം എടുത്തത്. ഇതനുസരിച്ച് നവംബര്‍ എട്ട് തിങ്കളാഴ്ച ദുല്‍ ഹജ്ജിന്റെ ആദ്യ ദിവസമായി കണക്കാക്കും. ദുല്‍ ഹജ്ജിന്റെ പത്താം ദിവസമാണ് ഈദുല്‍ അദയായി ആഘോഷിയ്ക്കുന്നത്.