ബിപിഒ ജീവനക്കാരിയെ കൂട്ടമാനഭംഗത്തിനിരയാക്കി

ദില്ലി: പത്തൊന്‍പതുകാരിയായ ബിപിഒ ജീവനക്കാരി ദില്ലിയില്‍ കൂട്ടമാനഭംഗത്തിനിരയായി.

നവംബര്‍ മൂന്നിനാണ് യുവതി മാനഭംഗത്തിനിരയായത്. എന്നാല്‍ കഴിഞ്ഞദിവസമാണ് പെണ്‍കുട്ടി പോലീസില്‍ പരാതി നല്‍കിയത്.

നോയിഡയില്‍ ഒരു കോള്‍സെന്ററില്‍ ജോലി ചെയ്യുന്ന യുവതിയെ നാലുപേര്‍ ചേര്‍ന്നാണ് പീഡിപ്പിച്ചത.് ഇതില്‍ ഒരാള്‍ പോലീസ് പിടിയിലായി. മറ്റു മൂന്നു പേര്‍ ഒളിവിലാണ്.

ജോലി സ്ഥലത്തേക്കുപോകാന്‍് പുലര്‍ച്ചെ 4.45ന് വീട്ടില്‍നിന്നിറങ്ങി ബസ് കാത്തുനില്‍ക്കുകയായിരുന്ന യുവതിയെ യുവാക്കള്‍ ഒരു ഓട്ടോറിക്ഷയില്‍ തട്ടിക്കൊണ്ടുപോകുകയായിരുന്നു.

അതിനുശേഷം പ്രഗതി മൈതാന്‍ ഭാഗത്തുവച്ച് കൂട്ടമാനഭംഗത്തിനിരയാക്കുകയായിരുന്നുവെന്ന് പോലീസ് പറഞ്ഞു. ഓട്ടോ ഡ്രൈവറാണ് അറസ്റ്റിലായത്.

പോലീസ് അന്വേഷണം ഊര്‍ജിതമാക്കി. കൂട്ടമാനംഭംഗത്തിനും തട്ടിക്കൊണ്ടുപോയതിനും തടവില്‍വച്ചതിനുമാണ് യുവാക്കള്‍ക്കെതിരേ കേസ് ചുമത്തിയിരിക്കുന്നത്.

English summary

The girl was allegedly kidnapped and raped by four culprits on Nov 3 in east Delhi. While media reports give varying details on the girl"s age, it has been learned that the victim is a student of Delhi University and that she worked part time at Spice World mall.