ശിവദാസമേനോന്റെ വീട് ആക്രമണം: 5പേര്‍ പിടിയില്‍

മലപ്പുറം: മുന്‍ മന്ത്രിയും സിപിഎം നേതാവുമായ ശിവദാസമേനോന്റെ മകളുടെ വീട് ആക്രമിച്ച കേസില്‍ അഞ്ച് പേരെ പൊലീസ് അറസ്റ്റു ചെയ്തു. അറസ്റ്റിലായവര്‍ സിപിഎം പ്രവര്‍ത്തകരാണെന്നാണ് റിപ്പോര്‍ട്ടുകള്‍. ഞായറാഴ്ച പുലര്‍ച്ചെയാണ് ശിവദാസമേനോന്റെ മകളുടെ മഞ്ചേരിയിലെ വീടിനു നേരെ കല്ലേറുണ്ടായത്.

മുസ്‌ലീം ലീഗ് പ്രവര്‍ത്തകരാണ് സംഭവത്തിന് പിന്നിലെന്ന് സിപിഎം നേതൃത്വം ആരോപിച്ചിരുന്നു. മഞ്ചേരി സ്വദേശികളായ അബ്ദുറഹീം, ബിനീഷ്, അക്ബര്‍ എന്നിവരാണ് അറസ്റ്റിലായവരില്‍ മൂന്നുപേര്‍. കൂടുതല്‍ വിവരങ്ങള്‍ പോലീസ് പുറത്തുവിട്ടിട്ടില്ല.

കഴിഞ്ഞ ദിവസങ്ങളില്‍ സിപിഎമ്മിന്റെ മറ്റ് പ്രാദേശിക നേതാക്കളുടെ വീടുകള്‍ക്ക് നേരെയും ആക്രമണമുണ്ടായിരുന്നു. പാര്‍ട്ടിയിലെ വിഭാഗീയതയാണ് അക്രമണത്തിന് പിന്നിലെന്ന് സൂചനകളുണ്ട്.