രാജയുടെ രാജി: തൃപ്തരാവാതെ പ്രതിപക്ഷം

ദില്ലി: 2 ജി സ്‌പെക്ട്രം അഴിമതിയില്‍ ആരോപണ വിധേയനായ കേന്ദ്ര ടെലികോംമന്ത്രി എ രാജ രാജിവെച്ചിട്ടും പ്രതിപക്ഷം പ്രക്ഷോഭവുമായി മുന്നോട്ട്. രാജി നടപടിയില്‍ തൃപ്തരാവാത്ത പ്രതിപക്ഷം പാര്‍ലമെന്റിലെ ഇരുസഭകളും സ്തംഭിപ്പിച്ചു.

രാജി മാത്രം പോരെന്നും സ്‌പെക്ട്രം കുംഭകോണം സംയുക്ത പാര്‍ലമെന്ററി സമിതി അന്വേഷിക്കണമെന്നും ആവശ്യപ്പെട്ടാണ് പ്രതിപക്ഷം ബഹളം വയ്ക്കുന്നത്. ബഹളത്തെ തുടര്‍ന്ന് ചോദ്യോത്തര വേള തുടരാനാവാത്തതിനാല്‍ ഇരുസഭകളും 12 മണിവരെ നിര്‍ത്തിവച്ചിരിയ്ക്കുകയാണ്.

അതേസമയം സ്‌പെക്ട്രം വിവാദത്തെക്കുറിച്ച് പ്രധാനമന്ത്രി മന്‍മോഹന്‍ സിങ് തിങ്കളാഴ്ച പാര്‍ലമെന്റില്‍ പ്രസ്താവന നടത്തുമെന്ന് റിപ്പോര്‍ട്ടുകളുണ്ട്.