സ്മാര്‍ട് സിറ്റി: അന്തിമ തീരുമാനം ചൊവ്വാഴ്ച

കൊച്ചി: കൊച്ചി നഗരത്തിലെ നിര്‍ദ്ദിഷ്ട ഐടി പാര്‍ക്ക് പദ്ധതിയായ സ്മാര്‍ട് സിറ്റിയെക്കുറിച്ചുള്ള അന്തിമ തീരുമാനം ചൊവ്വാഴ്ചയുണ്ടാകുമെന്ന് മന്ത്രി എസ് ശര്‍മ. ചൊവ്വാഴ്ച നടക്കുന്ന മന്ത്രിസഭാ യോഗത്തില്‍ സ്മാര്‍ട് സിറ്റിയെക്കുറിച്ച് അന്തിമ തീരുമാനമെടുക്കുമെന്നാണ് പദ്ധതി ചെയര്‍മാന്‍ കൂടിയായ മന്ത്രി അറിയിച്ചിരിയ്ക്കുന്നത്.

പദ്ധതി സംബന്ധിച്ച ടീകോമിന് നിരവധി തവണ കത്ത് അയച്ചെങ്കിലും സര്‍ക്കാരിന് സ്വീകാര്യമായ ഒരു നടപടി അവരുടെ ഭാഗത്തുനിന്ന് ഉണ്ടായിട്ടില്ല. സര്‍ക്കാരിന് ഇനിയും കാത്തിരിക്കാനാവില്ലെ. ഉചിതമായ മറുപടി ടീകോം നല്‍കാത്ത സാഹചര്യത്തില്‍ അനിശ്ചിതത്വം ഇനിയും നീട്ടിക്കൊണ്ടുപോകാനാവില്ലെന്ന നിലപാടിലാണ് സര്‍ക്കാര്‍.

പദ്ധതിയുടെ ശിലാസ്ഥാപനം നടത്തി അഞ്ചാം വര്‍ഷം പുര്‍ത്തിയാകുന്ന സാഹചര്യത്തില്‍ കൂടിയാണ് സര്‍ക്കാര്‍ കര്‍ശന നടപടിക്ക് ഒരുങ്ങുന്നത്. കൊച്ചിയില്‍ മാധ്യമ പ്രവര്‍ത്തകരുമായി സംസാരിക്കുകയായിരുന്നു മന്തി ശര്‍മ.