ഹണിമൂണ്‍ യാത്രയ്ക്കിടെ അജ്ഞാതര്‍ നവവധുവിനെ കൊന്നു

കേപ്‍ടൗണ്‍: ദക്ഷിണാഫ്രിക്കയിലേയ്ക്ക് മധുവിധുയാത്രപോയ എന്‍ആര്‍ഐ യുവതിയെ അജ്ഞാതര്‍ തട്ടിക്കൊണ്ടുപോയി വധിച്ചു. ബ്രിട്ടണിലെ ബ്രിസ്റ്റളില്‍ താമസിക്കുന്ന ആനി(28)യെയാണ് കേപ്‌ടൌണില്‍ മരിച്ച നിലയില്‍ കണ്ടെത്തിയത്.

ശനിയാഴ്ച രാത്രിയാണ് ഭര്‍ത്താവ് ശ്രിയന്‍ ദീവാനിയുമൊത്ത് നഗരത്തിലെ പ്രശസ്തമായ ഒരു നിശാ കേന്ദ്രം സന്ദര്‍ശിച്ച ശേഷം ഹോട്ടല്‍ മുറിയിലേക്ക് മടങ്ങുമ്പോഴള്‍ ആനിയെ തോക്കുധാരികളായ അജ്ഞാതര്‍ തട്ടിക്കൊണ്ടുപോയത്.

ടാക്‌സിയില്‍ ഹോട്ടലിലേക്ക് മടങ്ങുമ്പോള്‍ ആയുധധാരികളായ രണ്ട് പേര്‍ െ്രെഡവറെ ഭീഷണിപ്പെടുത്തിയ ശേഷം വാഹനവുമായി മുന്നോട്ടു പോവുകയായിരുന്നു. അല്‍പ്പദൂരം പിന്നിട്ടപ്പോഴേക്കും ദീവാനിയെ കാറിനു പുറത്തേക്ക് തള്ളിയിട്ടു. വഴിയരികില്‍ കിടന്ന് ഇയാളെ ഒരു യാത്രക്കാരനാണ് ഇയാളെ പൊലീസ് സ്‌റ്റേഷനില്‍ എത്തിച്ചത്.

ദീവാനിയെ വഴിയില്‍ ഉപേക്ഷിച്ചതിനടുത്ത് നിന്ന് കാറില്‍ ഉപേക്ഷിച്ച നിലയില്‍ ആനിയുടെ മൃതദേഹം നവംബര്‍ 14ന് ഞായറാഴ്ച രാവിലെ കണ്ടെടുക്കുകയായിരുന്നു. മൃതദേഹത്തില്‍ വെടിയേറ്റതിന്റെ അടയാളമുണ്ടായിരുന്നു എന്ന് അധികൃതര്‍ പറയുന്നു.

ഒരു നഴ്‌സിംഗ് ഹോം ശൃംഖല സ്വന്തമായുള്ള ദമ്പതികള്‍ വെള്ളിയാഴ്ചയാണ് കേപ്‌ടൌണില്‍ എത്തിയത്.

English summary

A newlywed NRI Girl from Britain has been murdered while honeymoon days in South Africa after she and her husband were carjacked. Reports said the 28-year-old, who was attacked with her millionaire husband Shrien Dewani, 30, on Saturday night, had been shot.