യുവാവ് മുന്‍കാമുകിയുടെ നാവും ചുണ്ടും അരിഞ്ഞു

മെല്‍ബണ്‍: പിണങ്ങിപ്പിരിഞ്ഞ പങ്കാളിയുടെ നാവും ചുണ്ടും അരിഞ്ഞു. ആസ്‌ത്രേലിയക്കാരനായ യുവാവാണ് തന്നെ പിരിഞ്ഞുപോയ പങ്കാളിയെ തിരഞ്ഞെചെന്ന് അവരുടെ നാവും ചുണ്ടും അരിഞ്ഞത്. ഇരുപതുകാരിയായ കാതറിന്‍ കാമറൂണിനെയാണ് മുന്‍ കാമുകന്‍ തസ്ലീം സാഹിര്‍ എന്ന 21കാരന്‍ ക്രൂരമായി ശിക്ഷിച്ചത്.

താഹിറുമായി പിണങ്ങിപ്പിരിഞ്ഞ് ആറ് മാസങ്ങള്‍ക്ക് മുമ്പാണ് കാതറിന്‍ ഗോള്‍ഡ്‌കോസ്റ്റില്‍ എത്തിയത്. ഇവിടെയെത്തിയ കാതറിന്‍ ഒരു പുതിയ ജീവിതം തുടങ്ങുന്നതിനായി പേര് മാറ്റുകയായിരുന്നു. എന്നാല്‍, പഴയ പങ്കാളി തിരഞ്ഞെത്തിയതോടെ സംഭവമെല്ലാം തകിടംമറിഞ്ഞു.

പിണക്കം പറഞ്ഞുതീര്‍ക്കാനെന്ന ഭാവത്തിലെത്തിയ താഹിര്‍ കാതറീന്റെ മുഖത്ത് ഒഴിഞ്ഞ റം കുപ്പി ഉപയോഗിച്ച് പലതവണ അടിച്ചു എന്നും പിന്നീട് കഴുത്തില്‍ കത്തി ചേര്‍ത്ത് കിടപ്പുമുറിയിലേക്ക് എത്തിച്ച ശേഷം ശ്വാസംമുട്ടിച്ച് കൊല്ലാന്‍ ശ്രമിച്ചു എന്നും പൊലീസ് പറയുന്നു.

കാതറീന്‍ ബോധംകെട്ട് വീണ ശേഷമാണ് അവരുടെ നാവും ചുണ്ടും അരിഞ്ഞതെന്നും പൊലീസ് കരുതുന്നു. വായുടെ വലത് ഭാഗം 4 സെന്റീമീറ്ററും ഇടത് ഭാഗത്ത് 2 സെന്റീമീറ്ററും വീതിയിലാണ് ചെത്തിയെടുത്തത്.

കാതറീന്റെ താമസസ്ഥലത്തു നിന്ന് അസ്വാഭാവികമായ ശബ്ദങ്ങള്‍ കേട്ടതും അവരുടെ സ്വീകരണ മുറിയില്‍ രക്തം പുരണ്ട മദ്യക്കുപ്പി കണ്ടതും കാരണം അയല്‍ക്കാരാണ് പൊലീസിനെ വിവരം അറിയിച്ചത്. പൊലീസ് എത്തിയാണ് കാതറീനെ ആശുപത്രിയില്‍ പ്രവേശിപ്പിച്ചത്.

നവംബര്‍ 13ന് ശനിയാഴ്ച വെളുപ്പിനാണ് സംഭവം നടന്നത്. അറസ്റ്റുചെയ്ത താഹിറിനെ പിന്നീട് കോടതിയില്‍ ഹാജരാക്കി.

English summary

A South Australian man cut off his ex partner"s tongue and sliced the sides of her mouth.Mohammed Tasleem Tahir, 21,who appeared in Southport Magistrate"s Court on the Gold Coast, faces charges of torture, committing acts intended to maim and disfigure, and causing grievous bodily harm over the weekend attack in Surfers Paradise, reports News.com.au.