തിരഞ്ഞെടുപ്പില് ജയിക്കാന് ബിക്കിനി പോസ്റ്റര്!
ചിലര് വമ്പന് വാഗ്ദാനങ്ങള് നല്കി ജനത്തെ പാട്ടിലാക്കും. മറ്റുചിലര് മദ്യവും പണവും നല്കി ആളുകളെ വശത്താക്കി വോട്ടുനേടും ഇതെല്ലാം നമുക്ക് പരിചമയുള്ള കാര്യങ്ങളാണ്.
എന്നാല് തിരഞ്ഞെടുപ്പില് ജയിക്കാനായി അല്പവസ്ത്രം ധരിക്കുകയെന്നത് നമ്മുടെ നാട്ടില് നടപ്പുള്ളകാര്യമല്ല. പക്ഷേ പോളണ്ടില് കാര്യം ഇങ്ങനെയല്ല. തിരഞ്ഞെടുപ്പില് ജയിക്കാനായി സ്ഥാനാര്ഥികള് തുണിയുരിയാന് വരെ തയ്യാറാവുമെന്നതിന് തെളിവാണ് അവിടത്തെ തെരുവില് പ്രത്യക്ഷപ്പെട്ട തിരഞ്ഞെടുപ്പ് പ്രചാരണ പോസ്റ്ററുകള്.
പോളണ്ടിലെ വാഴ്സോയിലെ ജില്ലാ മുനിസിപ്പല് തിരഞ്ഞെടുപ്പില് മത്സരിക്കുന്ന സാറാ മെയ് ആയാണ് ബിക്കിനിയണിഞ്ഞ് വോട്ടര്മാരെ ആകര്ഷിക്കുന്നത്. ഗായികയും മോഡലുമൊക്കെയായ സാറ തിരഞ്ഞെടുപ്പ് പ്രചാരണപോസ്റ്ററുകളില് ബിക്കിനിയണിഞ്ഞാണ് പ്രത്യക്ഷപ്പെട്ടിരിക്കുന്നത്.
സാറയുടെ ഈ ബിക്കിനി പോസ്റ്ററുകള് പോളണ്ടിന്റെ അതിര്ത്തികള് കടന്ന് ലോകത്തെമ്പാടും വാര്ത്തയായിരിക്കുകയാണ്. നവംബര് 21ാം തീയതിയാണ് തെരഞ്ഞെടുപ്പ് നടക്കുക. പോസ്റ്ററിലെ പടം കണ്ട് പുരുഷ പ്രജകളെല്ലാം തനിക്ക് വോട്ടു ചെയ്യുമെന്നാണ് സാറയുടെ പ്രതീക്ഷ.
എന്നാല്, ഇത് തെരഞ്ഞെടുപ്പാണെന്നും സാറയുടെ ബിക്കിനി പോസ്റ്ററൊന്നു ഇവിടെ ചെലവാകില്ലെന്നാണ് മറ്റ് രാഷ്ര്ടീയക്കാരുടെ വാദം. എന്തായാലും തെരഞ്ഞെടുപ്പ് കഴിഞ്ഞ് വോട്ടുപെട്ടി തുറക്കുമ്പോള് അറിയാം. സാറയുടെ ബിക്കിനി സൂത്രം ഫലിച്ചോ അതോ പൊട്ടിയോ എന്നു.