17കാരിയെ ആറുപേര് ചേര്ന്ന് പീഡിപ്പിച്ചു
ചണ്ഡിഗഡ്: പതിനേഴുകാരിയെ കൂട്ടമാനഭംഗത്തിനിരയാക്കിയ സംഭവത്തില് ആറ് യുവാക്കള്ക്കെതിരെ പൊലീസ് കേസെടുത്തു.
നവംബര് 13ന് ശനിയാഴ്ച പഞ്ചാബിലെ കുരലിയിലാണ് മാനഭംഗം നടന്നത്. ചൊവ്വാഴ്ചയാണ് പെണ്കുട്ടി കുടുംബാംഗങ്ങള്ക്കൊപ്പമെത്തി പൊലീസില് പരാതി നല്കിയത്.
സംഭവത്തില് ഇതേവരെയും അറസ്റ്റുകളൊന്നും നടന്നിട്ടില്ല. ശനിയാഴ്ച രാത്രി പെണ്കുട്ടി ട്യൂഷന് ക്ലാസിലേയ്ക്ക പോകുന്നതിനിടയില് സമീപത്തെ കോളനിയില് താമസിക്കുന്ന രണ്ടുപേര് ചേര്ന്ന് കുട്ടിയെ കാറില് തട്ടിക്കൊണ്ടുപോവുകയായിരുന്നു.
ഇവര് കുട്ടിയുടെ കുരലിയിലുള്ള മൈനാപൂര് എന്ന ഗ്രാമത്തില് കൊണ്ടുപോയി കൂട്ടമാനഭംഗത്തിനിരയാക്കുകയായിരുന്നു. മറ്റു മൂന്നു പേര് ഇവിടെ കാത്തുനില്ക്കുകയായിരുന്നു. ഒടുവില് രാത്രി വൈകി ഇവര് കാറില് പെണ്കുട്ടിയെ വീടിന് സമീപത്ത് കൊണ്ടുവന്ന് ഇറക്കുകയായിരുന്നുവെന്ന് പരാതിയില് പറയുന്നു.
പെണ്കുട്ടി പരാതി നല്കാന് വൈകിയതിനാല്ത്തന്നെ പ്രതികള് സ്ഥലത്തുനിന്നും കടന്നിട്ടുണ്ടാകുമെന്നാണ് പൊലീസ് പറയുന്നത്. ഇതേവരെ ആരെയും പിടികൂടാന് കഴിഞ്ഞിട്ടില്ലെന്നും പൊലീസ് പറഞ്ഞു.