കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വില്യം രാജകുമാരന്റെ മിന്നുകെട്ട് ഏപ്രില്‍ 29ന്

  • By Lakshmi
Google Oneindia Malayalam News

William and Kate
ലണ്ടന്‍: ലോകം കാത്തിരിക്കുന്ന രാജകീയ വിവാഹത്തിന്റെ നാള്‍ നിശ്ചയിച്ചു. വില്യം രാജകുമാരനും കാമുകി കെയ്റ്റ് മിഡില്‍ടണും 2011 ഏപ്രില്‍ 29ന് വിവാഹിതരാകും. വിവാഹനാള്‍ ബ്രിട്ടനില്‍ പൊതുഅവധിയായിരിക്കും.

കൊട്ടാരവുമായി ബന്ധപ്പെട്ട മിക്ക ചടങ്ങുകളും നടന്നിട്ടുള്ള വെസ്റ്റ്മിന്‍സ്റ്റര്‍ ആബിയിലാണു രാജകീയ വിവാഹം. എലിസബത്ത് രാജ്ഞിയുടെ വിവാഹവും ഡയാന രാജകുമാരിയുടെ സംസ്‌കാരച്ചടങ്ങും നടന്നത് അവിടെയായിരുന്നു.

കിരീടാവകാശിയായ ചാള്‍സിന്റെയും ഡയാന രാജകുമാരിയുടെയും മകനാണു വില്യം. പത്തുവര്‍ഷം നീണ്ട പ്രണയത്തിനുശേഷം കഴിഞ്ഞ ആഴ്ചയാണു വില്യമിന്റെയും കേറ്റിന്റെയും വിവാഹം സംബന്ധിച്ച അന്തിമ തീരുമാനം പ്രഖ്യാപിച്ചത്.

100 കോടി ഡോളറാണു വിവാഹനാളില്‍ സര്‍ക്കാരും രാജകുടുംബവും ബന്ധുക്കളും നാട്ടുകാരും പൊടിക്കുകയെന്നാണ് റിപ്പോര്‍ട്ട്.

എന്നാല്‍, രാജ്യത്തിന്റെ ഇപ്പോഴത്തെ മോശമായ സാമ്പത്തിക സ്ഥിതി കണക്കിലെടുത്തു ചെലവു കുറയ്ക്കാനാണു രാജകുടുംബത്തിന്റെ തീരുമാനം.

അതിനാല്‍ ഇരുകുടുംബങ്ങളും ചേര്‍ന്നാണു വിവാഹ സല്‍ക്കാരം, മധുവിധു തുടങ്ങിയവയുടെ ചെലവു വഹിക്കുക. സുരക്ഷാ ചെലവുമാത്രം സര്‍ക്കാര്‍ വഹിക്കും.

English summary
Prince William"s wedding to Kate Middleton will take place at Westminster Abbey, the church where Princess Diana"s funeral was held, according to UK media reports.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X