ഡയാനയുടെ വിധി വരാതിരിക്കാന് കേറ്റിന് കൗണ്സിലിങ്
വിവാഹശേഷം രാജകുമാരനൊപ്പം ജീവിതം പങ്കിടേണ്ടിവരുമ്പോള് ജീവിതത്തെ സധൈര്യം നേരിടാനുള്ള പരിശീലനങ്ങളാണത്രേ കേറ്റിന് കൊടുക്കുന്നത്.
തന്റെ അമ്മ ഡയാന രാജകുമാരിയ്ക്കുണ്ടായപോലെയുള്ള മാനസിക പ്രശ്നങ്ങളും വിഷാദവും കേറ്റിനുണ്ടാകരുതെന്ന് വില്യമിന് നിര്ബ്ബന്ധമുണ്ട്. രാജകീയ ജീവിതം നയിക്കുമ്പോഴുണ്ടാകുന്ന പ്രശ്നങ്ങളില് നിന്നും കേറ്റിനെ കാലേക്കൂട്ടി രക്ഷിക്കുകയാണ് വില്യമിന്റെ ഉദ്ദേശം.
വില്യമിന്റെ ഭാര്യയാകുന്നതോടെ കേറ്റിന് പലകാര്യങ്ങളിലും നിയന്ത്രണമുണ്ടാകും. ഇത്തരം പ്രശ്നങ്ങള് വിവാഹത്തിന്റെ ആദ്യകാലങ്ങളില് ഡയാനരാജകുമാരിനെ വല്ലാതെ ബുദ്ധിമുട്ടിലാക്കിയിരുന്നു. എകാന്തതയും ഒറ്റപ്പെടലുമായിരുന്നു ഡയാന നേരിടേണ്ടിവന്ന പ്രധാന പ്രശ്നങ്ങള്.
രാജകുമാരന് കൈകാര്യം ചെയ്യേണ്ട പ്രഥമ പ്രശ്നങ്ങള് എപ്പോഴും രാജ്യകാര്യങ്ങളായിരിക്കുമെന്നും അതിനുശേഷം മാത്രമേ ഭാര്യയുടെ കാര്യങ്ങള് വരുകയുള്ളുവെന്നും മറ്റുമുള്ള കാര്യങ്ങളാണത്രേ കേറ്റിന് മനസ്സിലാക്കിക്കൊടുക്കുന്നത്.