കൊച്ചി-പുനെ തീവണ്ടി ഉത്ഘാടനം ചെയ്തു

കൊച്ചി: കഴിഞ്ഞ റെയില്‍വേ ബജറ്റില്‍ പ്രഖ്യാപിച്ച എറണാകുളം പുനെ സൂപ്പര്‍ഫാസ്റ്റ് വണ്ടി ഓടിത്തുടങ്ങി.

വണ്ടിയുടെ ഉത്ഘാടനം കൊച്ചിയില്‍ കേന്ദ്രമന്ത്രി ഇ. അഹമ്മദ് നിര്‍വഹിച്ചു. ഡിസംബര്‍ ഒന്നുമുതല്‍ പുനെയില്‍ നിന്നും ഈ വണ്ടി സ്ഥിരം സര്‍വീസ് ആയി ഓടിത്തുടങ്ങും. റിസര്‍വേഷന്‍ നവംബര്‍ 27ന് ശനിയാഴ്ച മുതല്‍ ലഭ്യമാണ്.

ഇതോടെ പുനെയില്‍ നിന്നും കേളത്തിലേക്ക് ആഴ്ചയില്‍ മൂന്നു വണ്ടികള്‍ ഉണ്ടാകും. പൂര്‍ണ എക്പ്രസ് ശനിയാഴ്ചകളിലാണ് പുനെയില്‍ നിന്നും പുറപ്പെടുന്നത്. ഇത് മഡ്ഗാവില്‍ നിന്നാണ് കൊങ്കണ്‍ പാതയിലേക്ക് കയറുന്നത്. എന്നാല്‍ പുണെ സൂപ്പര്‍ഫാസ്റ്റ് കര്‍ജത്ത് വഴി പനവേലില്‍ എത്തിയാണ് കൊങ്കണ്‍ പാതയിലേക്ക് കയറുക.

എറണാകുളത്തുനിന്നും (2519) ചൊവ്വ, വെള്ളി ദിവസങ്ങളില്‍ കാലത്ത് 5.15ന് പുറപ്പെടുന്ന വണ്ടി അടുത്തദിവസം കാലത്ത് 5.50ന് പുനെയില്‍ എത്തും.

കേരളത്തിലെ മറ്റ് സ്‌റ്റേഷനുകളില്‍ എത്തുന്ന സമയം: തൃശ്ശൂര്‍ രാവിലെ 6.25, ഷൊറണൂര്‍ 7.20, തിരൂര്‍8.00, കോഴിക്കോട്8.50, തലശ്ശേരി 9.47, കണ്ണൂര്‍10.20, കാസര്‍കോട്11.28.

പുപുനെയില്‍നിന്നും (2520), ഞായര്‍, ബുധന്‍ ദിവസങ്ങളില്‍ വൈകിട്ട് 6.45ന് പുറപ്പെടുന്ന വണ്ടി പിറ്റെദിവസം വൈകിട്ട് ഏഴിന് എറണാകുളത്തെത്തും. രാത്രി 9.30ന് ആണ് വണ്ടി പനവേലില്‍ എത്തുക. കേരളത്തിലെ സ്‌റ്റേഷനുകളിലെത്തുന്ന സമയം: കാസര്‍കോട് ഉച്ചയ്ക്ക് 12.07, കണ്ണൂര്‍1.35, തലശ്ശേരി1.54, കോഴിക്കോട്3.10, തിരൂര്‍ 3.49, ഷൊറണൂര്‍4.45, തൃശ്ശൂര്‍ 5.20.

കേരളത്തിനുപുറത്ത് മംഗലാപുരം ജംക്ഷന്‍, മഡ്ഗാവ്, സാവന്തവാടി റോഡ്, പനവേല്‍ സ്‌റ്റേഷനുകളിലാണ് സ്‌റ്റോപ്പുള്ളത്.