'കോച്ച് ഫാക്ടറി വൈകുന്നത് സര്‍ക്കാര്‍ നയം മൂലം'

കൊച്ചി: പാലക്കാട് കോച്ച് ഫാക്ടറിയുടെ സ്ഥലമേറ്റെടുക്കല്‍ വൈകിയത് സംസ്ഥാനസര്‍ക്കാറിന്റെ നയങ്ങള്‍ കാരണമാണെന്ന് കേന്ദ്രറെയില്‍വേ സഹമന്ത്രി ഇ അഹമ്മദ്.

കൊച്ചിയില്‍ എറണാകുളം പൂണെ ദൈ്വവാര തീവണ്ടി ഉത്ഘാടനം ചെയ്യുകയായിരുന്നു അദ്ദേഹം.

സംസ്ഥാനം പല നിബന്ധനകളും വെച്ചതുകൊണ്ടാണ് പാലക്കാട് കോച്ച് ഫാക്ടറിക്കുള്ള സ്ഥലമേറ്റെടുക്കല്‍ വൈകിയതം. കഴിഞ്ഞ ബജറ്റില്‍ പ്രഖ്യാപിച്ച നാലു ട്രയിനുകള്‍ ഉടന്‍ ഓടിത്തുടങ്ങും- മന്ത്രി പറഞ്ഞു.

ഡിസംബര്‍ അഞ്ചുമുതല്‍ നാല് അക്കമുള്ള ട്രെയിന്‍ നമ്പറുകള്‍ അഞ്ചക്കമായി മാറുമെന്നും ഏറനാട് എക്‌സ്പ്രസ് ദിനംപ്രതിയാക്കാന്‍ നടപടിയെടുക്കുമെന്നും മന്ത്രി പറഞ്ഞു. കേന്ദ്രമന്ത്രി കെ വി തോമസ്, മന്ത്രി എം വിജയകുമാര്‍ എന്നിവരും ചടങ്ങില്‍ സംബന്ധിച്ചു.