കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

നിശാവിരുന്നിനിടെ മദ്യപിച്ചില്ല; യുവതിയ്ക്ക് തല്ല്

  • By Lakshmi
Google Oneindia Malayalam News

ദില്ലി: നിശാപാര്‍ട്ടിയ്ക്കിടെ മദ്യപിക്കാതിരുന്നതിന് മര്‍ദ്ദിക്കുകയും ലൈംഗിക ചൂഷണം ചെയ്യാന്‍ ശ്രമിക്കുകയും ചെയ്തുവെന്നാരോപിച്ച് യുവതി പൊലീസില്‍ പരാതി നല്‍കി. മെഹ്‌റൂളിയിലുള്ള ഒരു വ്യവസായിയുടെ മകളാണ് മറ്റൊരു വ്യവസായിയുടെ മകനെതിരെ പരാതി നല്‍കിയിരിക്കുന്നത്.

പാര്‍ട്ടിക്കിടെ തന്നോട് മദ്യപിക്കണമെന്നാവശ്യപ്പെട്ടെന്നും ഇത് കൂട്ടാക്കാഞ്ഞപ്പോള്‍ അടിച്ചെന്നും യുവതിയുടെ പരാതിയില്‍ പറയുന്നു. മാത്രമല്ല ആള്‍ക്കൂട്ടത്തിനിടെ തന്നെ ശാരീരികമായി കയ്യേറ്റം ചെയ്ത് അപമാനിക്കാന്‍ ശ്രമിച്ചെന്നും പരാതിയില്‍ വ്യക്തമാക്കിയിട്ടുണ്ട്.

യുവാവിന്റെയോ യുവതിയുടെയോ പേരുവിവരങ്ങള്‍ പൊലീസ് വെളിപ്പെടുത്തിയിട്ടില്ല. ഇയാള്‍ക്കെതിരെ കേസ് രജിസ്റ്റര്‍ ചെയ്യുകയും ചോദ്യം ചെയ്യുകയും ചെയ്തിട്ടുണ്ടെന്ന് പൊലീസ് പറഞ്ഞു. ഞായറാഴ്ച രാത്രി സൈനിക് ഫാമിലെ ഒരു പ്രശസ്ത ഫാം ഹൗസില്‍ നടന്ന പാര്‍ട്ടിയ്ക്കിടെയാണ് സംഭവം നടന്നത്.

സഹപാഠിയുടെ വിവാഹവിരുന്നായിരുന്നു അവിടെ നടന്നതെന്നും താന്‍ തന്റെ സുരക്ഷാഉദ്യോഗസ്ഥനൊപ്പമാണ് പോയതെന്നും യുവതി പറയുന്നു. പാര്‍്ട്ടിയ്ക്കിടെ യുവാവ് ഇവരുടെ അടുത്ത് വന്ന് സംസാരിച്ചു തുടങ്ങി.

യുവതി താല്‍പര്യം കാണിക്കാതിരുന്നപ്പോള്‍ യുവാവ് വീണ്ടും അടുത്തുകൂടി ഒരു മദ്യക്കപ്പ് ‌വച്ചുനീട്ടി. വേണ്ടെന്ന് യുവതി പറഞ്ഞപ്പോള്‍ യുവാവ് കുപിതനായി മര്‍ദ്ദിക്കുകയും കയ്യേറ്റം ചെയ്യാന്‍ ശ്രമിക്കുകയുമായിരുന്നുവത്രേ. സംഭവത്തെത്തുടര്‍ന്ന് യുവതി ബോഡിഗാര്‍ഡിനൊപ്പം സ്ഥലം വിടുകയായിരുന്നു.

English summary
Daughter of a businessman alleged that the son of an another businessman molested and slapped her after she refused to accept drink from him, at a late night party.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X