ശ്വാസതടസ്സം: കരുണാകരന്‍ ആശുപത്രിയില്‍

തിരുവനന്തപുരം: മുതിര്‍ന്ന കോണ്‍ഗ്രസ് നേതാവ് കെ. കരുണാകരനെ ശ്വാസതടസത്തെ തുടര്‍ന്ന് ആശുപത്രിയില്‍ പ്രവേശിപ്പിച്ചു.

തിരുവനന്തപുരത്തെ അനന്തപുരി ആശുപത്രിയിലാണ് അദ്ദേഹമുള്ളത്. ശനിയാഴ്ച രാവിലെ നേരിയ പനിയുണ്ടായതോടെയാണ് ആശുപത്രിയിലേക്ക് മാറ്റിയത്.

അനന്തപുരി ആശുപത്രി കാര്‍ഡിയോളജി വിഭാഗം മേധാവി ഡോക്ടര്‍ സി.ജി ബാഹുലേയന്റെ നേതൃത്വത്തിലാണ് ചികിത്സ.