പിഎസിയുടെ മുമ്പില്‍ ഹാജരാകുമെന്ന് മന്‍മോഹന്‍

ദില്ലി: 2ജി സ്‌പെക്ട്രം അഴിമതിയെക്കുറിച്ച് അന്വേഷിക്കുന്ന പാര്‍ലിമെന്റ് പബ്ലിക് അക്കൗണ്ട് കമ്മിറ്റിക്ക് മുന്നാകെ ഹാജരാകുമെന്ന് പ്രധാനമന്ത്രി മന്‍മോഹന്‍ സിങ് അറിയിച്ചു. ഇക്കാര്യം അറിയിച്ച് പിഎസി ചെയര്‍മാന്‍ മുരളി മനോഹര്‍ ജോഷിക്ക് പ്രധാനമന്ത്രി കത്തയച്ചു.

നേരത്തെ കോണ്‍ഗ്രസ് പ്ലീനറി യോഗത്തിലും പ്രധാനമന്ത്രി പിഎസിക്ക് മുന്നാകെ ഹാജരാകാനുള്ള സന്നദ്ധത പ്രകടിപ്പിച്ചിരുന്നു.

തനിയ്ക്ക് ഒന്നും മറച്ചുവെക്കാനില്ല. തെറ്റുകള്‍ ഉണ്ടായിട്ടുണ്ടാവാം, എന്നാലും കഴിവിന്റെ പരമാവധി രാജ്യസേവനം നടത്താന്‍ ശ്രമിച്ചിട്ടുണ്ടെന്നും അദ്ദേഹം പറഞ്ഞു.

അതേ സമയം പ്രധാനമന്ത്രിയുടെ വാഗ്ദാനം പ്രതിപക്ഷം നേരത്തെ തന്നെ തള്ളിയിരുന്നു. 2ജി അഴിമതി അന്വേഷിയ്ക്കാന്‍ പാര്‍ലമെന്റി സംയുക്ത സമിതി തന്നെ വേണമെന്നാണ് അവരുടെ ആവശ്യം.