2011ല് ഒന്നുകളുടെ മായാജാലം
ഇങ്ങനെ സംഖ്യകളുടെ അപൂര്വ്വ സംഗമദിവസങ്ങളില് വിവാഹവും, പ്രസവവുമെല്ലാം നടത്തുന്നത് എത്രയെത്രപേരാണ്. ഇതാ ഈ പുതുവര്ഷവും ഇത്തരം സംഖ്യാപ്രേമികള്ക്ക് സംഭവബഹുലമാക്കാന് ഏറെ സാധ്യതകളാണ് നല്കുന്നത്.
പുതുവത്സരപ്പിറവി ദിനം തന്നെ സംഖ്യകളുടെ അപൂര്വ്വസംഗമാമാണ്, ഒന്നുകളുടെ ഒരു മാജിക്ക് 01-01-11. ഇതിന് പിന്നാലെ ജനുവരി പത്തും പതിനൊന്നും തീയതികളും സംഖ്യാസംഗമങ്ങള് സംഭവബഹുലമാക്കുന്നു.
പത്താം മാസമായ ഒക്ടോബറില് 1ഉം 10 ഉം 11ഉം തീയതികള് വീണ്ടും ഒന്നു ചേര്ന്നു ശ്രേണിയില് അടുത്ത മായാജാലം തീര്ക്കും. കൂടാതെ ഒക്ടോബര് ഒന്പതിനു വരുന്ന 09-10-11 എന്നതും ഈ വര്ഷത്തെ കൗതുക ദിവസമാണ്.
നവംബര് പതിനൊന്നിനാണ് ഏറ്റവും മനോഹരമായ സംഖ്യാ സംഗമം 11-11-11. ഈ ദിവസത്തില് പതിനൊന്ന് മണി പതിനൊന്ന് മിനിറ്റുംകൂടി ചേരുമ്പോള് കൂടുതലെന്തുപറയാന് സംഖ്യാ സംഗമം അപൂര്വ്വങ്ങളില് അപൂര്വ്വമാകും.
Click it and Unblock the Notifications
Sign in with Google