നിത്യാനന്ദയ്‌ക്കൊപ്പമുള്ളത് രഞ്ജിത തന്നെ: സിഐഡി

By Lakshmi

Published: Tuesday, January 4, 2011, 11:32 [IST]

ബാംഗ്ലൂര്‍: വിവാദസ്വാമി നിത്യാനന്ദയൊടൊപ്പം അശ്ലീല വീഡിയോയിലുള്ളത് നടി രഞ്ജിതതന്നെയാണെന്ന് ബാംഗ്ലൂര്‍ സിഐഡി.

സ്വാമിയോടൊപ്പമുള്ളത് താനല്ലെന്നും താന്‍ ഈ പ്രശ്‌നത്തില്‍ ഇരയാക്കപ്പെടുകയായിരുന്നുവെന്നുമുള്ള രഞ്ജിതയുടെ വാദത്തിന് ഇത് തിരിച്ചടിയായിരിക്കുകയാണ്.

വീഡിയോ ടേപ്പ് വിശദമായി പരിശോധിച്ചതിന്റെ അടിസ്ഥാനത്തിലാണ് അതിലുള്ളത് രഞ്ജിത തന്നെയാണെന്ന് സിഐഡികള്‍ വ്യക്തമാക്കിയിരിക്കുന്നത്.

വീഡിയോ വ്യാജമാണെന്നും ദൃശ്യങ്ങളില്‍ കാണുന്ന സ്ത്രീ താന്‍ അല്ല എന്ന വാദവുമായി രഞ്ജിത കഴിഞ്ഞ ദിവസം വാര്‍ത്താസമ്മേളനം നടത്തിയിരുന്നു.

ഇതിനെ തുടര്‍ന്ന് അന്വേഷണ ഉദ്യോഗസ്ഥര്‍ വീഡിയോയുടെ ആധികാരികത പരിശോധിക്കാന്‍ സി.ഡി ഹൈദരാബാദിലുള്ള ഫോറന്‍സിക് സയന്റിഫിക്ക് ലബോറട്ടറിയിലേക്ക് അയ്ക്കുകയായിരുന്നു.

നിത്യാനന്ദയുടെയും രഞ്ജിതയുടെയും വ്യത്യസ്ത ചിത്രങ്ങളും അയച്ചു കൊടുത്തിരുന്നു. ലബോറട്ടറിയില്‍ നടത്തിയ പരിശോധനയിലാണ് ദൃശ്യങ്ങള്‍ വ്യാജമല്ലെന്നും നിത്യാനന്ദയ്‌ക്കൊപ്പം ദൃശ്യങ്ങളിലുള്ളത് രഞ്ജിത തന്നെയാണെന്നും സ്ഥിരീകരിച്ചത്.

ദൃശ്യങ്ങള്‍ ഒന്നുകില്‍ മോര്‍ഫ് ചെയ്തതാണെന്നും അല്ലെങ്കില്‍ മറ്റൊരാളെ വച്ച് ചിത്രീകരിച്ചതാണെന്നുമാണ് രഞ്ജിത വാദിച്ചത്.

Published On January 4, 2011