അഞ്ചാം വിവാഹം; ഭര്ത്താവിന് ഭാര്യമാരുടെ തല്ല്
ഇസ്ലാമാബാദ്: അഞ്ചാമതു വിവാഹം കഴിയ്ക്കാനൊരുങ്ങിയ ഒരാളെ പാക്ക് പഞ്ചാബില് രണ്ടു ഭാര്യമാര് ചേര്ന്നുപരസ്യമായി മര്ദിച്ചു.
ഗുജ്റന്വാല നഗരത്തില് സോപ്പു നിര്മാതാവായ മിയാന് ഇസ്ഹാഖ് മൂന്നാംഭാര്യയുമൊത്ത് സുഹൃത്തിന്റെ വിവാഹ വിരുന്നില് പങ്കെടുക്കുകയായിരുന്നു.
ഇതിനിടെ ആദ്യഭാര്യമാരായ മെഹ്വിഷും ഉസ്മയും ബന്ധുക്കളുമൊത്ത് വിരുന്നിലേയ്ക്ക് ഇരച്ചുകയറി അയാളെ അതിഥികളുടെ മുന്നിലിട്ടു മിയാനെ മര്ദിക്കുകയായിരുന്നു.
അഞ്ചാമത്തെ നിക്കാഹിനാണ് മിയാന് ഒരുക്കം നടത്തുന്നത്. അതിനാല് ഒരു പാഠം പഠിപ്പിക്കുകയാണ് ഉസ്മ പത്രലേഖകരോടു പറഞ്ഞു. രണ്ടു ഭാര്യമാരുംകൂടി അയാളെ ചെരുപ്പൂരി അടിക്കുന്ന ദൃശ്യം ടിവിയില് കാണിച്ചു.
എന്നാല് താന് അഞ്ചാമത് വിവാഹമൊന്നും കഴിയ്ക്കുന്നില്ലെന്നും രണ്ട് ഭാര്യമാരും പറയുന്നത് കള്ളമാണെന്നുമാണ് മിയാന് അവകാശപ്പെടുന്നത്. രണ്ട് ഭാര്യമാരും വിവാഹമോചനത്തിന് കേസ് നല്കിയിരിക്കുകയാണെന്നും ഇയാള് പറഞ്ഞു.